Масъул муҳаррир: академик Т. Н. Долимов, г м. ф д., проф

Динамометаморфизм жинслари. 
Тектоник ер ёриқларининг 
сурилиш юзалари бўйлаб тоғ жинсларининг ҳаракати туфайли ҳосил 
бўлади. Бунда вужудга келадиган кучли босим шароитларида тоғ 
жинсларининг (гранитлар, гнейслар, кристалли сланецлар, кварцитлар 
ва б.) чанглар даражасигача бурдаланиши, кукунга айланиши ва 
зичлашиши амалга ошади. 
Динамометаморфизм маҳсулотлари бурдаланиш даражаси бўйича 
тектоник брекчиялар, катаклазитлар ва милонитларга ажратилади. 
Тектоник брекчиялар
турли ўлчамдаги тоғ жинсларининг қиррали 
ва линзасимон бўлакларидан таркиб топган, уларнинг ораси ўша 
жинсларнинг майдаланган материаллари билан тўлдирилган бўлади. 
Тектоник брекчияларнинг структураси брекчияли, текстураси эса 
тартибсиз. Қатламланишнинг кузатилмаслиги ва бўлакларининг 
биржинслилиги характерли. 
Катаклазитлар
тоғ жинсларининг майда бурдаланган қиррали 
бўлакларидан таркиб топган бўлиб, ўша жинсларнинг талқонга айланиб 
кетган материаллари билан цементланган. Катаклазитлар учун цементли 
структура, массив, баъзан мўлжалланган текстура характерли.

---

150 
Милонитлар 
ишқаланишдан талқонга айланиб кетган ва урчуқлар 
ҳосил қилувчи жинслар бўлиб, йўл-йўлли текстурага эга. Уларнинг 
бундай текстураси талқонга айланиб кетган масса орасида дағалроқ 
бўлакларнинг юпқа линзасимон қатламлари мавжудлиги билан 
ифодаланган. 
Таянч атама ва ибораларга изоҳ беринг 
Магматик 
ҳосилалар, 
интрузив 
жинслар, 
эффузив 
жинслар, 
субвулканик жинслар, гранит, гранодиорит, сиенит, габбро, перидотит, 
ишқорли жинслар, риолит, дацит, андезит, базальт, диабаз, 
вулканокласт 
жинслар, 
пирокласт 
материаллар, 
агломерат, 
лавабрекчия, туф, туффит, пегматит, карбонатит, чўкинди жинс, 
бўлакли жинслар, кимёвий ва органик чўкиндилар, псефит, псаммит, 
алеврит, алевролит, лёсс, пелит, гейзерлар, каустобиолит, трепел, 
галлоид, мергел, хемоген, органоген,
 
эпизона, мезозона, катазона, 
метасоматоз, 
эндоконтак, 
экзоконтакт, 
гнейслар, 
сланецлар, 
эклогитлар, амфиболитлар, ортогнейс, гранатлар, мармар, скарнлар, 
роговиклар.