Масъул муҳаррир: академик Т. Н. Долимов, г м. ф д., проф

 
248-расм. Антракотерийлар вакили 
-
 
Элометрикс (Elomeryx). 
http://wwlife.ru 
 
249-расм. Кўршаполоқ 
икарониктерис. http://wwlife.ru 

---

570 
Эоценда дастлабки кўршаполоқлар пайдо бўлади. Улар ҳозирги 
кўршаполоқларга жуда ўхшаш, узун ингичка бармоқларига таранг 
тортилган теридан иборат қанотларга эга бўлган (249-расм).
Эоценда ҳозир яшаётган хартумлиларнинг аждодлари пайдо 
бўлади. Уларнинг бивниси кичик, хартуми чўзиқ устки лабидан иборат 
бўлган. Улардан пастки жағи тўғри бурчак остида пастга осилган 
динотериялар келиб чиққан (250-расм). Динотериялар жағининг учида 
бивнлари ва ҳақиқий хартуми бўлган. Улар зич ўсимлиқлар ўсувчи нам 
ўрмонларда ҳаёт кечиришган.
 
250-расм. Динотерийлар 
(Deinotherium). http://wwlife.ru
 
 
 
251-расм. Палеомастодонтлар. 
http://wwlife.ru
 
 
Эоценнинг охирига келиб дастлабки филларнинг аждодлари - 
палеомастодонтлар пайдо бўлади (251-расм). Уларнинг хартуми унча 
катта бўлмаган, аммо устки жағида бивнилари бўлган. Палеомастодонт 
эоцен хартумлилари орасида энг йириги бўлган, унинг вазни 2 т гача 
борган. 

---

571 
Қуруқлик флораси орасида ёпиқуруғлилар ривожланишини давом 
эттирган. Уларнинг таркибида пальмалар, магнолиялар, миртлар, 
фикуслар, улкан секвойялар, араукариялар ва кипарислар етакчилик 
қилишган. 
Неогенда қуруқликдаги организмлар таркиби кучли ўзгаради. 
Айниқса сутэмизувчиларда чуқур ўзгаришлар содир бўлади. Улар зич 
ўрмонларда, ўрмончўлларда, чўллар ва яримчўлларда яшашга 
мослашган. 
Ҳозирги 
замон 
йиртқичлари, 
туёқлилари 
ва 
хартумлиларининг оилалари ва авлодлари пайдо бўлган ва кенг 
тарқалган.