Masofaviy ta’limda qo’llaniladigan texnik vositalar Reja: Masofaviy ta’limning afzalliklari Kompyuter bilan ishlash

Kompyuterda multimedia (audio, video) ma’lumotlarini namoyish etish. Kompyuter hozirgi kunda hisoblashlarni bajaribgina qolmay, balki musiqa va video ma’lumotlarni ham qayta ishlash va namoyish qilish imkoniyatiga ega.
Kompyuterda musiqa tinglash uchun kompyuterga qo’shimcha karnay (kolonka) yoki quloqqa taqiladigan maxsus uskuna ulangan bo’lishi talab qilinadi.
Kompyuterlarda video namoyishi uning ekrani orqali amalga oshiriladi. Bunda videofilmlarni namoyish etishga mo’ljallangan maxsus dasturlar (Media player) yordamida filmlarni kompyuter ekranida tomosha qilish va uning ovozini karnaylar orqali eshitish mumkin.
Kompyuter bilan ishlash
Kompyuterni ishga tushurish. Shaxsiy kompyuterni ishga tayyorlash va o’chirish tartiblari mavjud. Avvalambor kompyuterning tarmoq kuchlanishiga mosligini tekshirish kerak.
Kompyuterni ishga tayyorlash tartibi quyidagicha:
* printer kerak bo’lsa, u yoqiladi;
* monitor yoqiladi;
* prosessor yoqiladi;
Shundan keyin ekranda tekshiruvchi maxsus dastur natijalari, hamda operasion sistemani ishga tushiruvchi dasturlar haqida ma’lumotlar chiqadi.
Kompyuter ishini tugallash uchun quyidagilar bajariladi:
* ishlayotgan dasturlar tugatiladi;
* prosessor o’chiriladi;
* printer yoqilgan bo’lsa, o’chiriladi;
* monitor o’chiriladi.
Kompyuter tarmoqlari va ularning ahamiyati
Tarmoq tushunchasi va uning ahamiyati. Kompyuterlar orasida ma’lumot almashish va umumiy masalalarni birgalikda yechish uchun komyuterlarni bir-biri bilan bog’lash ehtiyoji paydo bo’ladi. Kompyuterlarni bir-biri bilan bog’lashda ikki xil usuldan foydalaniladi:
1. Kabel yordamida bog’lash. Bunda kompyuterlar bir-biri bilan koaksial, o’ralgan juftlik kabeli (UTP) yoki shisha tolali kabellar orqali maxsus tarmoq plata yordamida bog’lanadi.
2. Simsiz bog’lanish. Bunda kompyuterlar bir-biri bilan simsiz aloqa vositalar yordamida, ya’ni radio to’lqinlar, infraqizil nurlar, WiFi va Bluetooth texnologiyalari yordamida bog’lanadi.
Bir-biri bilan bog’langan kompyuterlarning bunday majmuasi kompyuter tarmog’ini tashkil etadi.
Tarmoq - kompyuterlar, terminallar va boshqa qurilmalarning ma’lumot almashishni ta’minlaydigan aloqa kanallari bilan o’zaro bog’langan majmuasi. Kompyuterlararo ma’lumotlarni almashishni ta’minlab beruvchi bunday tarmoqlar kompyuter tarmoqlari deb ataladi.
Kompyuter tarmoqlarini ularning geografik joylashishi, masshtabi hamda hajmiga qarab bir nechta turlarga ajratish mumkin, masalan: