Masofaviy ta’lim tizimlarini shakllantirishda blokcheyn texnologiyasining ahamiyati rezumi

MASOFAVIY TA’LIM TIZIMLARINI SHAKLLANTIRISHDA BLOKCHEYN TEXNOLOGIYASINING AHAMIYATI

Rezumi. Ushbu maqolada, masofaviy ta’lim haqida asosiy tushunchalar, masofaviy ta’limnishakllantirishning ta’lim sohasidagi ahamiyati, masofaviy ta’lim jarayonida blokcheyn texnologiyasini qo’llashning ahamiyati, blokcheyn texnologiyasining butun dunyodagi qo’llanilish darajalari, Blokcheyn texnologiyasini masofaviy ta’limda foydalanishning afzalliklari keltirilgan.

Kalit so’zlar. Masofaviy ta’lim, Blokcheyn, tranzaktsiya, online ta’lim, konfedentsiallik, shaffoflik, kriptografik

Masofaviy ta’lim yangi ta’lim shakli sifatida va shunga mos ravishda mamlakatimizda faol shakllantirilmoqda va rivojlanmoqda. Uning maqsadi o’qituvchilarimizni o’zgaruvchan ijtimoiy-iqtisodiy sharoitlarga moslashish, dunyo va milliy madaniyatlar tizimiga muvaffaqiyatli qo’shilish imkonini beradigan universal ta’lim elementlarini berishdir. Ushbu jarayonda zamonaviy axborot texnologiyalariga asoslangan, o’qituvchning o’zgaruvchan ehtiyojlarini tez va moslashuvchan muvofiqlashtirishga imkon beradi. Masofaviy o’qitish deganda zamonaviy pedagogik va axborot texnologiyalaridan foydalangan holda kompyuter telekommunikatsiyalariga asoslangan ta’lim tizimi tushunilishi kerak.

Masofaviy ta’lim - bu ta’lim muassasalariga tashrif buyurmasdan zamonaviy axborot texnologiyalari va elektron pochta, telegram, televidenie va Internet kabi telekommunikatsiya tizimlari yordamida xizmat ko’rsatish. Masofaviy ta’lim - bu o’qituvchi va o’quvchi o’rtasida to’g’ridan-to’g’ri aloqa qilmasdan masofadan turib o’qishga imkon beradigan zamonaviy axborot va telekommunikatsiya texnologiyalaridan foydalanishga asoslangan o’quv jarayonini tashkil etish usuli. Masofaviy o’qitish texnologiyasi shundan iboratki, o’qitish va materiallarni o’zlashtirishni boshqarish Internet tarmog’i va onlayn texnologiyalaridan foydalangan holda amalga oshiriladi.

Masofaviy ta’limda blokcheyn texnologiyasini qo’llash ko’pgina imkoniyatlarni yaratadi. Blokcheyn texnologiyasi markazlashmagan tizim bo’lib, bu texnologiyani foydalangan holda masofaviy ta’lim texnologiyalarini, platformalarini yaratish masofaviy ta’lim tizimining ishinchliligini ta’minlaydi va tizimda o’quvchilarni baholash jarayonlarining shaffofligini ta’minlaydi. Blokcheyn texnologiyasining ishlash printsipi quyidagicha.