Масофавий таълимда курс ишларини бажариш ва бахолашни ташкил этиш бўйича мувақҚат кўрсатма эслатма

МАСОФАВИЙ ТАЪЛИМДА КУРС ИШЛАРИНИ БАЖАРИШ ВА БАХОЛАШНИ ТАШКИЛ ЭТИШ БЎЙИЧА МУВАҚҚАТ КЎРСАТМА


ЭСЛАТМА:
1) Ушбу кўрсатма, расман Йўриқнома ишлаб чиқилгунга қадар амал қилади (Йўриқнома тайёрланмоқда).

2) Белгиланган меъёрларга кўра, фанлардан курс иши мавзулари семестр бошида талабаларга танлаб олиш иконияти билан тақдим этилади. Шунга кўра, ҳозиргача барча фанлардан курс иши мавзулари талабаларга тақдим этилган бўлиши лозим.

КУРС ИШИНИ БАЖАРИШ БЎЙИЧА:
1. Ҳар бир талаба ўз курс иши мавзуси бўйича ўртача 3-4 бетлик “Курс иши ҳимояси тезиси”ни тайёрлайди ва расмга олган ҳолда фан ўқитувчисига электрон шаклда тақдим этади;
2. “Курс иши ҳимояси тезиси”да қуйидагилар акс эттирилиши лозим:
- курс иши мавзуси, режаси (мундарижаси);
- кириш қисми;
- асосий қисм тавсифи (курс иши ҳар бир режа бандлари буйича 1-2 абзацдан);
- хулоса.


КУРС ИШИНИ БАҲОЛАШ БЎЙИЧА:
Фан ўқитувчиси талабалардан олинган материалларни тўплайди ва ҳар бири бўйича баҳолаш далолатномасини тўлдиради ва баҳолайди.
Қуйида келтирилган “Далолатнома” тавсия характерига эга, ўзгартириши мумкин.
Ҳар бир талаба томонидан жўнатилган материаллар ва далолатномаси тикилиб, кафедрада сақланади.
Агар талабада имконият бўлса, курс ишининг тўлиқ ёзилган электрон вариантини ҳам қабул қилиш мумкин.
Шу асосда, деканат томонидан бериладиган қайдномани тўлдириб, имзолаб, деканатга тақдим этади.