Масофавий малака ошириш тизимида интернет-таълим ресурслари ёрдамида лойиҳавий фаолиятни ташкил этиш (5о бет)

МАСОФАВИЙ МАЛАКА ОШИРИШ ТИЗИМИДА ИНТЕРНЕТ-ТАЪЛИМ РЕСУРСЛАРИ ЁРДАМИДА ЛОЙИҲАВИЙ
ФАОЛИЯТНИ ТАШКИЛ ЭТИШ (5О БЕТ)
Зарнигор Камилджановна Абидова
Бухоро муҳандислик-технология институти, ассистент

Ўзбекистон Республикаси Президенти Ш.М. Мирзиёевнинг 2017 йил 7 февралдаги фармони билан тасдиқланган 2017−2021 йилларда Ўзбекистон Республикасини ривожланишининг бешта устувор йўналиши бўйича Ҳаракатлар стратегиясида мамлакатимизни барча соҳаларини янада ривожланишини таъминлаш, ҳуқуқий – демократик жамият қуриш бўйича бажарилиши лозим бўлган асосий вазифалар белгилаб берилган. Ҳаракатлар стратегиясининг устувор йўналишларида фан-техника ва технологияларни ривожлантириш, таълим тизимини янада такомиллаштириш ва иқтисодиётнинг турли соҳалари учун жаҳон андозалари талабларига жавоб берадиган малакали кадрлар тайёрлаш тизимини шакллантириш ҳамда таълим муассасаларида ўқитишнинг инновацион таълим технологияларини жорий этиш вазифалари алоҳида таъкидланган [1].

Бозор иқтисодиёти шароитида жаҳон андозалари талабларига жавоб берадиган компетентли мутахассисларни тайёрлашда касб –ҳунар таълими тизими ўқитувчилари учун малака ошириш ва қайта тайёрлашнинг замонавий тизимини яратиш ва меҳнат бозорининг замонавий талабларига жавоб берадиган касбий тайёргарликга эга бўлган педагог кадрар таркибини ва тузилмасини шакллантириш ҳамда уларни инновацион фаолиятга жалб этиш муҳим аҳамият касб этади.
Бу борада педагог кадрларнинг малакасини ошириш ва қайта тайёрлашда Интернет-таълим ресурсларидан жамоа бўлиб фойдаланиш тингловчиларга нафақат ўқитишнинг ягона контекстига қўшилишга, балки ўзаро ҳамкорликда лойиҳавий фаолият олиб боришга ва ўқитувчи билан интерфаол мулоқот ўрнатиш имкониятларини яратади [2, 184 б.].
Тингловчиларнинг Интернетдан жамоа бўлиб фойдаланишлари қуйидаги имкониятларни яратади:
-Интернет фанлар бўйича топшириқларни олиш, уларни бажаришда ўқитувчи тавсия этган ресурслардан фойдаланиш имконини беради;
-Интернет ўқитувчига тингловчиларнинг эҳтиёжларига тезкор жавоб бериш, уларга тегишли маслаҳатларни беришга имкон беради;
-Интернет-технологиялар асосида жамоавий лойиҳалар устида иш олиб боришда тингловчиларнинг индивидуал хусусиятларини ёки қобилиятларини инобатга олиш имкониятларини яратади;
-Интернет тингловчиларга реал вақт режимида интерфаол тарзда саволлар бериш ва уларга жавоб олиш имкониятларини тақдим этади;
- Интернет жамоавий ишлаш кўникмаларини ривожлантиришга хизмат қилади, лойиҳавий фаолиятда ўзаро фикр алмашиш ҳамда лойиҳавий қарорларни ҳамкорликда амалга оширишга имконият яратади.





Адабиётлар
1. Ўзбекистон Республкасини янада ривожлантириш бўйича Ҳаракатлар стратегияси тўғрисида. − Т.: 2017 йил 7 февраль, ПФ-4947− сонли Фармони.
2. Журавлева