Mashinasozlik texnologiyasi

Курс ишини ташкил қилиш бўйича

кўрсатмалар ва тавсиялар
Курс ишини мақсади талабаларни мустоқил ишлаш қобилиятини ривожлантириш, олган назарий билимларини қўллашда амалий кўникмалар ҳосил қилиш, бевосита ишлаб чиқаришдаги реал шароитларига мос техник ечимлар қабул қилишга ижодий ёндошиш кўникмалар ҳосил қилиш, замонавий техника ва технологияларни қўллаш кўникмаларини ҳосил қилишдир.

Курс иши мавзулари бевосита ишлаб чиқариш корхоналари технологик жараёнларига боғлиқ ҳолда, аниқ бир ишлаб чиқариш шароити учун белгиланади. Курс ишининг мавзулари умумий талабалар сонидан 20-30% кўпроқ олдиндан тайёрланади. Ҳар бир талабага шахсий топшириқ берилади.

Курс ишии объекти сифатида берилган детал юзаларига механик ишлов бериш маршрут технологик жараёнини, операциялар таркибини ишлаб чиқиш, станокларнинг типавий деталларга ишлов бериш маршрутини ва қирқиш режимларини танлаш, ишлов беришдаги асосий техник характеристикаларини аниқлаш, қуйимни хисоблаш масалалари хизмат қилади. Аниқ бир деталга ишлов бериш учун мос станок тури техник ва технологик асосланган ҳолда танланади, ҳисобланади ва техник иқтисодий баҳоланади. Курс ишиининг ҳисобий – график ишлари замонавий компьютер дастурларида бажарилади. Курс ишининг график қисми 2 та А1 форматдаги чизмадан иборат бўлиб, 1-чизма - детал чизмаси, загатовка чизмаси, қуйимни ҳисоблаш схемаси, 2-чизма деталларнинг элементар сиртларига ишлов бериш технологик эскизлари - токарлик, фрезалаш, пармалаш ва бошқа операциялар келтирилади. Курс ишида берилган детал ўлчамлари учун қўйимлар ҳисоблаб ва тайинлаб, заготовка ўлчамларини аниқлаш ва заготовка чизмаси-шаклини чизиш; танавор олиш усулини аниқлаш; мазкур операция учун режимларини ва вақт нормасини ҳисоблаш; қўлланилган адабиётлар рўйхатини ва мавзулар мундарижасини кўрсатиш.

Ҳисобий- тушунтириш ёзуви А4 форматидаги 25-30 бетдан иборат бўлиши мумкин.

Курс ишларида тавсия этиладиган намунавий мавзулар:

Берилган детал (ўқ, втулка, вал, қопқоқ, стакан ва ҳк.) ларга ишлов бериш технологик жараёнларини ишлаб чиқиш.

Курс лойиҳаси топшириқлари кафедрада кўриб чиқилади ва тасдиқланади.