Mashinasozlik texnologiyasi

Амалий машғулотларни ташкил этиш бўйича

кўрсатмалар ва тавсиялар
Амалий машғулотлар талабаларда машинасозлик технологияси асосларининг таркибий қисми бўлмиш технологик жараён операциясини лойиҳалаш учун унинг структуравий элементларини билиш, буларга тегишли ҳисоб-китоб қилиш, мисол ва масалалар ечиш бўйича амалий кўникмалар ҳамда тажрибалар ҳосил қилади:

1.Технологик операцияларни номини ва мазмунини аниқ ифода қилиш.

2. Операцияни номини тузилишини ўрнатиш ва унинг мазмунини технологик ҳужжатга киритиш.

3. Ишлаб чиқариш турини ўрнатиш.

4. Деталга қўйилган техник талабларни ҳисобга олган ҳолда технологик базани танлаш бўйича мисол ва масалалар ечиш.

5. Технологик ўлчамларни ҳисоблаш.

6. Қўшимлар ва чегаравий ўлчамларни ҳисоблаш

7.Технологик ва операцион хариталарни расмийлаштиришни ўрганиш.

Амалий машғулотларни ташкил этиш бўйича кафедра профессор-ўқитувчилари томонидан услубий кўрсатмалар ва тавсиялар ишлаб чиқилади. Унда талабалар маъруза мавзулари бўйича олган билимларини амалий масалалар ечиш орқали кўникмаларга айлантирадилар. Шунингдек, дарслик ва ўқув қўлланмаларни ўзлаштириш асосида талабалар билимларини мустаҳкамлашга эришиш, тарқатма материаллардан фойдаланиш, илмий мақолалар ва тезисларни чоп этиш орқали талабалар билимини ошириш, масалаларни компьютерда ечиш ва графикларни компьютерда қуриш, мавзулар бўйича кўргазмали қуроллар тайёрлаш ва бошқалар тавсия этилади.