Mashinasozlik Texnologiyasi" fakulteti "

Kurs ishi mavzusi nomeri:

Talabaning guruh jurnalidagi nomeri	Kurs ishi mavzusi nomeri
1	1	31	61	91
2	2	32	62	92
3	3	33	63	93
4	4	34	64	94
5	5	35	65	95
6	6	36	66	96
7	7	37	67	97
8	8	38	128	98
9	9	39	69	99
10	10	40	70	100
11	11	41	71	101
12	12	42	72	102
13	13	43	73	103
14	14	44	74	104
15	15	45	75	105
16	16	46	76	106
17	17	47	77	107
18	18	48	78	108
19	19	49	129	109
20	20	131	132	110
21	21	51	81	111
22	22	52	82	112
23	23	53	83	113
24	24	54	130	114
25	25	55	85	115
26	26	56	86	116
27	27	57	87	117
28	28	58	88	118
29	29	59	89	119
30	30	60	90	120
31	28	50	121	126
32	29	80	122	127
33	1	30	68	123
34	5	31	79	124
35	15	32	84	125

Kurs ishi topshirigʻida talabaning ismi sharifi, yoʻnalishi, kursi, guruhi, fan nomi, kurs ishi mavzusi, topshirish muddati bilan bir qatorda namunaviy reja (kirish, asosiy qism, xulosa va boshqalar) hamda adabiyotlar, me’yoriy hujjatlar va shu kabilar aks etishi lozim.

Kurs ishini bajarish jarayonida kurs ishi mavzusini oʻzgartirish yoki boshqa mavzu tanlanishiga ruxsat etilmaydi.
III. Axborot uslubiy ta’minotini yaratish va ularni oʻrganish

Talaba kurs ishi mavzusini biriktirish toʻgʻrisida ariza bergandan soʻng va kafedra uni tasdiqlagandan soʻng rahbar bilan maslahatlashib adabiyotlar toʻplashiga kirishishi kerak. Bunda faqat darslik, balki boshqa fanlarni oʻrganish davomida koʻrsatilgan adabiyotlar, statistik va internet ma’lumotlari, qonunlar, me’yoriy hujjatlar va boshqalarni xam oʻrganishi lozim.

Undan soʻng ularning ichidan kurs ishi mavzusiga bevosita aloqador boʻlgan adabiyotlar roʻyxatini tuzish va ularni topib bir qator tanishib chiqishi kerak, chunki boshlangʻich tanishuv natijasida talaba kurs ishi rejasini mustaqil ravishda tuzadi.

Adabiyotlar va internet ma’lumotlari bilan ishlashni mamlakatimizdagi iqtisodiy qonunchilikka taalluqli boʻlgan qonun va me’yoriy hujjatlarni oʻrganishdan boshlash maqsadga muvofiq boʻladi. Har tomonlama mukammal yoritilgan va ilmiy ijodiy yondoshilgan kurs ishini bayon etish uchun iqtisodiy qonuniyatlarni bilish va ularni qoʻllash katta axamiyatga ega.

Kurs ishini bajarishda faqat uslubiy qoʻllanmalarda va kurs ishi topshirigʻida tavsiya qilingan adabiyotlardan foydalanish bilan chegaralanib qolmasdan, imkoni boricha mustaqil xolda tanlangan adabiyotlarga asoslanish lozim, xatto xorijiy adabiyotlardan xam foydalanish ishni mazmunini boyishiga va yanada mukammal bajarilishiga yordam beradi.
IV. Kurs ishi rejasini tuzish
Kurs ishi tanlangan mavzuning dolzarbligi asoslangan kirish qismidan, ilmiy rahbar bilan kelishib tuzilgan rejaga koʻra nazariy va amaliy masalalar yoritilgan asosiy boʻlimdan, shuningdek, xulosa va takliflar yozilgan xotimadan iborat ishdir.

Rejadagi koʻzda tutilgan masalalar tarkibiy mavzuning mohiyatidan kelib chiqishi, aniq boʻlishi va oʻrganilayotgan muammoni xar taraflama aks ettirishi muhimdir.

Rejadagi har bir masala oʻzaro bogʻlangan boʻlishi lozim, ularni yoritishda esa korxona, firma, tashkilot va muassasalarning amaliy ish faoliyatiga bogʻlangan boʻlishi xam e’tibordan chetda qolmasligi kerak.

Quyidagi ayrim mavzular uchun reja tuzish tartibi misol tariqasida keltirilmoqda:

Mavzu: Mulk kategoriyasi va mulkiy munosabatlar

Reja:

KIRISH.

ASOSIY QISM:

1.1. Mulk iqtisodiy kategoriya sifatida.

1.2. Mulkiy munosabatlar, ularning tarkibiy va iqtisodiy mazmuni.

1.3. Mulkiy munosabatlar evolyutsiyasi va hozirgi zamon bozor iqtisodi

munosabatlari.

XULOSA

FOYDALANILGAN ADABIYOTLAR ROʻYXATI.

V. Ma’lumotlarni toʻplash va qayta ishlash
Ushbu bosqichda talaba adabiyotlar, internet ma’lumotlari va boshqa manbalar asosida mavzuni xar tomonlama yoritish maqsadida ma’lumotlar toʻplaydi va ular boʻyicha hisob – kitoblarni amalga oshiradi. Ushbu bosqichda iqtisodiy tahlil usullaridan foydalanib, tegishli xulosalar chiqariladi.

Kurs ishi nazariy jihatdan turli manbalardagi statistik ma’lumotlar tahliliga asoslangan boʻlib, mavzuga mos muammolar, takliflar, sxema, grafik, jadval va diogrammalarda mujassamlashtirilgan boʻlishi lozim.

VI. Kurs ishi matnini yozish
Kurs ishini bajarishda uni yozish va rasmiylashtirish muhim va ma’suliyatli bosqich xisoblanadi.

Kirish qismida talaba tanlagan mavzuning dolzarbligi, maqsadi, vazifalari, axamiyati, uni oʻrganish darajasi va kurs ishi boʻyicha oʻz oldiga qoʻygan masalalar mazmunining qisqa (2-3 bet) bayon etadi.

Asosiy qismda belgilangan savollarni yoritishda masalaga uzviy bogʻliq boʻlgan nazariy bilimlar bilan bir qatorda talaba tomonidan toʻplangan materiallar, statistik ma’lumotlar, iqtisodiy koʻrsatkichlar tahlil qilinadi. Olingan natijalar, yangiliklar, gʻoya va fikrlar ilmiy jixatdan asoslanadi va oʻrganilgan adabiyotlar, me’yoriy xujjatlar va boshqa manbalardan toʻplangan ma’lumotlar toʻla tahlil qilinadi. Ushbu yoʻnalishda bajarilgan ishlarning mamlakatimiz va xorijiy davlatlar tajribasi xam bayon etilishi maqsadga muvofiq keladi. Agar talaba mavzu boʻyicha olgan natijalarni tanqidiy baxolay olsa kurs ishining qiymati yanada oshadi. Asosiy qismda rasmlar va jadvallar matn ichida xam keltirilishi mumkin.

Nazariy tomondan oʻrganilayotgan masala chuqur yoritilgandan soʻng kurs ishini bajaruvchi nazariy bilimlarini amaliy faoliyat bilan oʻzaro bogʻlay olishi kerak. Ish boʻyicha berilayotgan takliflar asosli boʻlishi va takliflar aniq, loʻnda va tushunarli qilib bayon qilinishi kerak.

Talaba kurs ishi matnini yozishda adabiyotlar va manbalardan olingan tsitatalar va mualliflarning qarashlari qoʻshtirnoq ichida berilishiga e’tibor berilishi lozim.

Xulosa qismida kurs ishining barcha qismlari doirasida bajarilgan ishlarga umumiy yakun yasaladi. Ushbu kurs ishi doirasida erishilgan asosiy natijalar koʻrsatib oʻtiladi.

Foydalanilgan adabiyotlar roʻyxatini tuzishda ishning xulosa qismidan keyin keltiriladi, roʻyxatga faqat ishni yozish jarayonida muallif tomonidan foydalanilgan adabiyotlar, qonunlar, qarorlar, maqolalar, tezislar, avtoreferetlar, jurnallar, gazetalar va x.k.lar kiritiladi.

Amaldagi «Xujjatlarni biblografik roʻyxatga olish» davlat standartiga muvofiq kurs ishlarida foydalanilgan adabiyotlar roʻyxatida quyidagilar keltiriladi:

-kitob, monografiya, darslik, oʻquv qoʻllanmalar uchun muallif (lar) ning familiyasi, ismi, va otasining ismi bosh xarflari, kitobning nomi, nashr joyi (shaxar), nashriyot nomi, nashr yili, betlar ;

-toʻplamdagi maqolalar va tezislar uchun muallif (lar) ning familiyasi, ismi va otasining ismi bosh xarflari, maqola nomi, toʻplamning nomi, nashr joyi (shaxar) nashr yili, betlar toʻplamdagi maqola nomi toʻplam nomidan // belgisi bilan ajratiladi.

-jurnaldagi maqolalar uchun muallifning familiyasi, maqola nomi, jurnal nomi yili, betlari, maqola nomi xam jurnal nomidan // belgisi bilan ajratiladi.

Kurs ishida foydalanilgan manbaalar adabiyotlar roʻyxatidan alfavit boʻyicha joylashtiriladi. Agar talaba ayrim ma’lumotlarni internetdan olgan boʻlsa, muallif va ishning nomi keyin WEB sayti koʻrsatiladi.

Kurs ishini yozish jarayonida talaba adabiyotlarida keltirilgan boshqa olim va mutaxassislarning fikrlarini keltirish mumkin. Bunday xollarda matnda ushbu adabiyotlardan foydalanilganlik belgisi qoʻllaniladi.

Ayrim vaqtlarda mavzuga oid qonunlar, xukumat qarorlari va me’yoriy xujjatlardan aynan koʻchirmalar keltiriladi. Bunday xollarda satr osti izoxi beriladi.

Satr osti izoxlari saxifa soʻngida berilib, matnda xar bir saxifa uchun ketma – ketlik asosida raqamlanadi yoki yulduzchalar bilan belgilanadi.

Kurs ishini yozishda talaba avallo raxbarning koʻrsatma va maslahatlariga rioya etishi zarurdir.