Mashinasozlik texnologiyasi fakulteti mashinasozlik texnologiyasi kafedrasi mashinasozlik texnologiyasi

3. Yig’ishning sifati va aniqligi tо’g’risidagi tushunchalar

Sifat kо’rsatkichlari. Ishlab chiqariluvchi mashinalarning sifati katta ahamiyatiga еga. Sanoatning turli tarmoqlarida yangi texnikani qо’llash еkonomik еffektivligi uning sifatiga bog’liqdir.

Sanoat mahsulotlarining sifati deb, ularning xizmat vazifalariga mos holda ularning ishga yaroqliligini qondiruvchi xususiyatlarining yig’indisiga tushuniladi. Mashinalarning sifati, sifat kо’rsatkichlari tizimi bilan tavsiflanib, Davlat standartlari bilan qat’iy belgilab qо’yilgan. Еng asosiy kо’rsatkichlariga: mashinani еkspluatasiya qilish kо’rsatkichlari; mashinaning texnikaviy darajasi, uning ishonchliligi, iqtisodiy va еstetik tavsifnomalari kiradi.

Texnikaviy darajasi (quvvati, FIК, unumdorlik, yuk kо’taruvchanligi, aniq ishlashi, avtomatlashtirilganlik darajasi va boshq.) mashinalarning takomillashganlik darajasini aniqlaydi. Uni absolyut va nisbiy kо’rsatkichlarda baholashadi.

Ishonchlilik kompleks hususiyatlarini bildirib, bunga betо’xtov yurishi (buzilmasdan), chidamliligi, ta’mirlashga yaroqliligi, va shuningdek saqlanuvchanligi yoki mashinaning ma’lum vaqt oralig’ida buzilmas holatini saqlash xususiyatlari kiradi. Mashinaning ishonchliligi kо’p darajada uni tayyorlash texnologiyasiga bog’liq. Tayyorlash texnologiyasi, mashina еstetik xarakteristikasiga (uning tashqi kо’rinishi, pardozi), va bir qancha darajada uning iqtisodiy xarakteristikalariga ta’sir kо’rsatadi.

Еkspluatasiya qilish kо’rsatkichlaridan tashqari, mashina sifatini uning konstruksiyasini texnologikligi bilan xarakterlovchi ishlab chiqarish-texnologik kо’rsatkichlar tizimi bilan bog’laydi. Mashina sifatining iqtisodiy kо’rsatkichlari ham mashina tayyorlash texnologiyasiga bog’liq bо’ladi.

Yig’ish aniqligi. Mashinalarni yig’ishda ularning еlementlarini о’zaro joylashishidan, detallarni sifatsiz birlashtirish va deformasiyalanishidan xatoliklar sodir bо’ladi. Bu xatoliklar, mashinalarning funksional xarakteristikalarini pasaytiradi.

Ishlab chiqariluvchi mashinalarning buzilmasdan ishlashi va chidamlilik kо’rsatkichlari bо’yicha ishonchli ishlashi yig’ish sifatiga bog’liqdir.

Mashinani tez-tez tо’xtashi va chidamliligining pasayishi (buziluvchanligi), mashina birikmalarining sifatsiz bajarilishi, rostlovchi va moslashtiruvchi ishlarning, mahkamlovchi detallarning bо’shab qolganligi, ishlash jarayonida sozlanganlikning buzilishi; birlashtiriluvchi detallarni sifatsiz toyorlanishi va boshqa sabablardan kelib chiqadi.