Машина деталлари маъруза курси лотин 2017 й 20 янв

2. Planetar va to’lqinsimon uzatmalar 
 
Planetar  uzatma  deb.  tarkibida  qo’zgaluvchan  o’qqa  o’rnatilgan  tishli  g’ildiraklari  bo’lgan 
uzatmaga aytiladi.  
Odatda  bunday  uzatmalar  tashqi  tishli  markaziy  g’ildirak  "a"  uning  atrofida  vodila  "h" 
vositasida o’z o’qi  bilan  birga  harakatlanadigan g’ildirak -satallit "g"  hamda  ichki tishli asosiy "b" 
dan tuzilgan bo’ladi. 
 
 
2-rasm. 
 
Planetar  uzatmalarning  kinematik  imkoniyatlari  uning  asosiy  afzalliklaridan  biri  bo’lib, 
uzatmani uzatishlar soni o’zgarmas bo’lgan reduktor sifatida, turli zvenolarni tormozlash yo’li bilan 
uzatishlar  son  i  o’zgartiriladigan  uzatmalar  qutisi  va  differiyensial  mexanizm  sifatida  foydalanish 
mumkin.  Bunday  uzatmalarning  yana  bir  afzalliklari  shundaki,  ularning  og’irligi  nisbatan  kam 
bo’lib, ancha ixchamdir. 
 
Bu quyidagilar bilan izohlanadi: 
1.  Satellitlar  soni  1  dan  72  tagacha  bo’lib,  uzatilayotgan  quvvat  ular  orasida  taqsimlanadi, 
natijada har bir tishga tushadigan nagruzka bir necha marta kamayadi.  
2.  Uzatishlar  sonining  katta  bo’lganligini  (ming  va  undan  ortiq)  ko’p  pogonali  uzatmalar 
ishlatishdan voz kechishga imkon beradi.  
3.  Uzatmaning  tarkibida  ko’pincha  ichki  tishli  g’ildirak  bo’lganligidan  uzatma  nagruzkasini 
yanada oshirish imkoniyati tug’iladi.  
4.  Ko’pincha  satellitlar  markaziy  g’ildirakka  nisbatan  simmetrik  joylashganligi  uchun  ularda 
paydo  bo’ladigan  kuchlarning  ayrimlari  o’zaro  muvozanatlashadi,  natijada  tayanchga  tushadigan 
nagruzka  kamayadi.  Bu  hol  bekorga  sarflanadigan  quvvatni  kamaytirib,  tayanchlarning  tuzilishini 
soddalashtirishga imkon beradi. Yukorida aytilganlardan tashqari, planetar uzatmalar ravon va kam 
shovqin ishlaydi. 
Planetar  uzatmalarning  kamchili  shundan  iboratki,  ularni  tayyorlash  hamda  yig’ishda  yuqori 
aniqlik darajasi talab etiladi. Biroq uzatmaning mavjud afzalliklari tufayli, ulardan mashinasozlikda, 
stanoksozlikda va asbobsozlikda keng ko’lamda foydalanilmokda.