Mashg‘ulot: Gigrograf yorda

2.Gigrograf yordamida havo nisbiy namligini o‘lchash
Buning uchun:
gigrografning tuzilishini o‘rganish, uning qabul qiluvchi qismi va
uzatuvchi qismlari har birining sxemasini chizish;
gigrograf korpusining tepasidagi qopqog‘ni osish, peroni richag
yordamida barabandan uzoqlashtirish va ehtiyotlik bilan barabanni o‘qdan chiqarib olish;
barabanga toza lenta o‘rnatish, soatni yurgizish (buning uchun kalitni bir-ikki marta aylantirish zarur) barabanni yana o‘qqa kiritib o‘rnatish lozim. So‘ngra peroning lentaga tegib turishi tekshiriladi va siyoh bilan to‘ldiriladi. Lentaning teskari tomoniga kuzatish punkti, asbob nomeri va lentaning o‘rnatilish vaqti ko‘rsatiladi;
Kalit yordamida rostlash vintini burab, pero lentadagi psixrometr bilan olingan havoning nisbiy namligi qiymatlariga mos qilib o‘rnatiladi va peroning lentaga yaxshi tegib turishi yana tekshiriladi.

Shuningdek, gigrograf barabanini soat strelkasiga teskari tomonga burash vaqtida peroni kuzatishning boshlanish vaqtiga qo‘yish va yozishni boshlash kerak. Oradan 30-40 min o‘tgach, lentani barabandan olib gigrografning havo nisbiy namligini o‘zgarishlarini yozish natijalari tahlil qilinadi.

Gigrograf lentasidagi yozuvlarni ishlab chiqishdan oldin, albatta, o‘qituvchi bergan lentadagi havo namligi qayd qilingan o‘zgarish puxta o‘rganiladi. Gigrograf lentasini ishlab chiqish oldingi mavzuda bayon qilingan tartibda olib boriladi, o‘qituvchi bergan sutkalik gigrograf lentasidan havo nisbiy namligining o‘rtacha, maksimal, minimal qiymatlari aniqlanadi.
Savollar
1. Gigrometr bilan havoning qaysi tavsiflari o‘lchanadi?
2. Soch tolali gigrografning asosiy qismlarini aytib bering.
3. Nima uchun soch tolali gigrograf lentasidagi bo‘limlar butun
shkala bo‘ylab tekis qo‘yiladi?
4. Gigrograf lentasini ishlash tartibini tushuntiring.