Mashg‘ulot №3 II guruh kationlarining analitik reaksiyalariva ular aralashmasining analizi

Mashg‘ulot №3
II guruh kationlarining analitik reaksiyalariva ular aralashmasining analizi
Mashg‘ulotning maqsadi:
II analitik guruh kationlarining analitik reaksiyalarini bajarishni o‘rganish
Laboratoriya ishi uchun kerakli
Reaktivlar:
0,05 mol/l simob (I), kumush, qo‘rg‘oshin nitrat tuzlari;
kaliy dixromat, xromat, qalay (II) xloridi, natriy yoki kaliy xloridi, bromidi, yodidi, o‘yuvchi ishqorlar - NaOH va KOH, natriy yoki kaliy karbonat, xlorid kislota, vodorod sulfid, sulfat kislota va eruvchan sulfatlar, natriy gidrofosfat, mis plastinkasi yoki misli tanga, 30%li ammoniy yoki natriy asetat eritmasi.
Idishlar va kerakli jihozlar:
probirkalar, gaz gorelkasi, pobirka shtativi, platina yoki nixrom simi, sentrafuga, suv hammomi, probirka qisqich, shtativ, elektron mikroskop (mikrokristalloskopik reaksiyalar uchun), analitik tarozi (aniq konsentrasiyali eritmalari tayyorlash uchun), filtr qogoz, soat oynasi, kapillyar, mikropipetka.
II ANALITIK GURUH KATIONLARINING ANALITIK REAKSIYALARI
II analitik guruh kationlarining guruh reaktivi 2 mol/dm³ HCl yoki uning tuzlari bo‘lib, ular Ag⁺, Hg₂²⁺, Pb²⁺ bilan suvda qiyin eriydigan xloridlarni hosil qiladi. Qo‘rg‘oshin xloridni eruvchanligi kumush xlorid va simob (I) xloridga nisbatan yuqori. Shuning uchun qo‘rg‘oshin ionining ma’lum bir qismi eritmada qolib ketadi. Kumush, simob (I) va qo‘rg‘oshinning nitratli tuzlari suvda yaxshi eriydi. Sulfatli birikmalarni eruvchanligi Ag⁺ → Hg₂²⁺ → Pb²⁺ ga qadar kamayadi. Karbonati va sulfidlari suvda yоmon eriydi. Kumush va simob (I) ni oksidlari mavjud, gidroksidlari esa mavjud emas. Qo‘rg‘oshin gidroksidi amfoter xossaga ega. Bu gidroksid kumush va simob (I) oksidlaridan farq qilib, mo‘l ishqorda eriydi.
2.1.Ag⁺ kationining reaksiyalari
Kumush ioni suvli eritmalarda rangsiz, uning nitrati, ftoridi, perxlorati suvda yaxshi eriydi. Diqqat! Kumush eritmasi bilan ishlanganda ehtiyоtkorlik talab etiladi, kumush tuzlari zaharli!