Машғулот №3

Тизза қопқоғи суяги - patella

Тизза қопқоғи суяги соннинг тўрт бошли мушаги пайининг ичида жойлашган сесамасимон суяк туркумига киради. Бу суякнинг юқори қисмида асоси basis patellae, пастки қисмида эса учи apex patellae, орқа сохасида бўғим юзаси facies articularis бўлади. Олдинги юзаси эса facies anterior дейилади.

Болдир суяклари

Болдир сохасида иккита суяк жойлашади. Ички тарафда катта болдир суяги tibia, ташқи тарафда кичик болдир суяги fibula жойлашади.

Катта болдир суяги – tibia

Катта болдир суягининг юқори учида ички дўнгсимон ўсимта condylus medialis, ташқи дўнгсимон ўсимта condylus lateralis бўлади. Бу ўсимталарнинг устки бўғим юзаси facies articularis superior да ички бўртиқ tuberculum intercondylare mediale ва ташқи бўртиқ tuberculum intercondylare laterale бўлади. Бу бўртиқлардан хосил бўлган тепалик eminentia intercondylaris деб аталиб, унинг олдинги юзасида чуқурча area intercondylaris anterior ва орқа юзасида чуқурча area intercondylaris posterior бўлади. Ташқи дўнгсимон ўсимта остининг, кичик болдир суяги билан бирикиш сохасида бўғим юзаси facies articularis fibularis хосил бўлади. Катта болдир суягининг юқори учининг, танасига ўтиш сохасининг олдинги юзасида мушак пайларининг бирикишидан бўртиқ tuberositas tibiae хосил бўлади. Катта болдир суягининг танаси corpus tibiae да олдинги қирра margo anterior, ички қирра margo medialis ва кичик болдир суягига қараган қирра margo interossea бўлади. Бу қирралар орасида эса ички юза facies medialis, ташқи юза facies lateralis, орқа юза facies posterior хосил бўлади. Катта болдир суягининг пастки учида ички тўпиқ malleolus medialis, ташқи юзасида эса кичик болдир суяги билан бирлашадиган ўйма incisura fibularis бўлади. Катта болдир суягининг остки юзасида ошиқ суяги билан бўғим хосил этадиган юза facies articularis inferior бўлади. Медиал тўпиқнинг бўғим юзаси facies articularis malleoli medialis , эгати эса sulcus malleolaris дейилади. Катта болдир суяги. проксимал учида суякланиш нуқтаси туғулиш даврига тўғри келади Дистал эпифиз сохасида суякланиш нуқтаси 2 ёшда хосил бўлиб, суякланиб кетиши 16-19 ёшларда якунланади.