Машғулот №3

Сон суяги – оs femoris

Сон суяги найсимон суяклар гурухига кириб, унинг юқори учида бошча caput femoris, бошча юзасидаги чуқурча fovea capitis femoris, бўйин қисми collum femoris бўлади.
Бўйин қисмининг танага ўтиш сохасида мушаклар бирикадиган катта кўст trochanter major, кичик кўст trochanter minor буртиқлари бўлади. Катта кўст орқа юзасининг юқори қисмида чуқурча fossa trochanterica бўлади. Хар иккила кўстлар орасида олдинги сохада linea intertrochanterica, орқа сохасида эса crista intertrochanterica қирраси бўлади. Бу қиррада квадрат мушаги бирикадиган бўртиқ tuberculum kvadratum жойлашади. Сон суяги танасининг юқори қисми орқа юзасининг ташқи тарафида мушаклар бирикадиган бўртиқ tuberositas glutea, ички тарафида эса linea pectenea хосил бўлади.
Сон суяги танасининг орқа юзасидаги linea aspera чизиги иккига: ички labium mediale lineae asperae ва ташқи labium laterale lineae asperae чизиқларига ажралади. Бу чизиқлар орасида тақим юзаси facies poplitea хосил бўлади. Сон суягининг пастки учида ички дўнгсимон ўсимта condylus medialis ва ташқи дўнгсимон ўсимта condylus lateralis бўлади. Дўнгсимон ўсимталарнинг epicondylus medialis ва epicondylus lateralis ўсимталари бўлади. Хар иккала дўнгсимон ўсимталарнинг олдинги юзасида тизза қопқоғи суяги билан бирикадиган юза facies patellaris, орқа сохасида эса чуқурча fossa intercondylaris хосил бўлади. Хар бир дўнг усти сохасида linea supracоndylaris medialis ва linea supracоndylaris lateralis чизиқлари бўлади. Ички (медиал) дўнг усти сохасида яқинлаштирувчи мушак бирикадиган бўртиқ tuberculum adduсtorium бўлади. Латериал дўнг усти сохасида тақим эгати sulcus popliteus учрайди.
Орқа сохада чуқурча fossa intercоndylariеs, олдинги юзада эса чизиқ linea intercоndylarеis жойлашади. Чақалоқларда сон суягининг танаси (диафиз) суякланган бўлади. Қолган соха эса тоғайдан иборат. Суякланиш нуқталари бошчада – 1 ёшда, ката кўст сохасида 3-4 ёшларда, кичик кўст сохасида 9-14 ёшларда хосил бўлади.
Сон суягининг дистал қисмида суякланиш нуқталари чақалоқларнинг туғилиш вақтига тўғри келади. Сон суягининг тўлиқ суякланб кетиши 14-16 ёшларда бўлади.