масала Талоқ ва лимфа тугунлари қон ва лимфани депоси вазифасини бажариши мумкин. Бу аъзолар тузилишининг қайси хусусиятлари шу вазифани бажаришини таъминлаб беради? Мухокама давомида қуйидаги саволларга жавоб беринг

13-масала
Гипофизнинг ФСГ ишлаб чиқарувчи гонадотропоцитларнинг фаолияти бузилиши уруғдоннинг фаолиятига қандай таъсир кўрсатади? Қуйидаги саволларга жавоб бериб, шу вазиятни мухокама этинг:
1) Уруғдоннинг эгри-бугри каналчалари қандай тузилган?
2) Бу ерда қандай жараён амалга ошади?

14-масала
Меъда касалликларида меъда ширасида хлорид кислотанинг миқдори пасайиб ёки ортиб кетиши кузатилиши мумкин. Қуйидаги саволларга жавоб бериб, шу вазиятни мухокама этинг:
1) Бу холат қайси ҳужайралар фаолиятининг бузилиши билан боғлиқ бўлади?
2) Уларни қайси морфологик хусусиятлари бўйича микропрепаратда аниқлаш мумкин?

15-масала
Гастрит диагнози қўйилган беморнинг меъдаси шиллиқ пардасидан олинган биопсия материалининг морфологик тахлилида париетал ҳужайраларнинг кескин камайиб кетгани аниқланган. Бу холат меъда ширасининг таркибини ўзгаришига қандай таъсир қилади? Қуйидаги саволларга жавоб бериб, шу вазиятни мухокама этинг:
1) Меъданинг фундал безлари қандай тузилган?
2) Тахлил учун материал меъданинг қайси қисмидан олинган?
16-масала
Беморда эритропоэз, гранулоцитопоэз, тромбоцитопоэз жараёнлари бузилган. Бу холат қайси қон яратувчи органнинг патологиясида кузатилади? Мухокама давомида қуйидаги саволларга жавоб беринг:
1) Қайси марказий қон яратувчи органларни биласиз?
2) Постэмбрионал даврда қайси марказий қон яратувчи орган қон ўзак ҳужайраларининг ягона манбаи бўлиб қолади?


17-масала
Беморда меъда ширасида кислота миқдорининг камайиши натижасида темир моддасининг сўрилиши жараёни бузилган. Бу холат одам организмида қандай ўзгаришларга олиб келади? Мухокама давомида қуйидаги саволларга жавоб беринг:
1) Гемопоэзнинг қайси турдаги қон ҳужайралари яратилиш жараёни бузилади?
2) Бу жараён қайси қон яратувчи аъзода бузилади?


18-масала
Тиш шлифида дентин-цемент чегарасида майда тўқ бўялган шарсимон (глобуляр) комплекслар – доначалар кўринади. Улар нима деб аталади? Мухокама давомида қуйидаги саволларга жавоб беринг:
1) Бу тузилмалар қандай ҳосил бўлади?
2) Тиш тож қисмининг дентинида бундай тузилмалар борми?