Мақсадлари режа: Илм-фан ҳақида тушунча, илмий фаолият

Фан методологияси ва эпистемологияси илмий билиш ва илмий ижодни, яъни илмий-тадқиқот фаолиятини ўрганади. Ҳар қандай илмий ютуқ ёки кашфиёт нафақат муайян предмет мазмунига, балки методологик жиҳатга ҳам эгадир, зеро, у фанда илгари олинган ахборотни танқидий қайта кўриш, фаннинг тушунчалар аппарати ва тадқиқот негизини муттасил янгилаш (янги методлар, усуллар ва ёндашувлар - бу янги аппаратура, янги институтлар ва лабораториялар демак) билан боғлиқдир. Шундай қилиб, фаннинг ўзига нисбатан методология ва эпистемология фаннинг ўзини ўзи билиш ва ўзини ўзи англаш шаклларидан биридир. Илмий ижод методологияси олим шахсининг янги билим олиш ва уни амалда қўллаш соҳасидаги ижодий салоҳиятини очиб беради ва таҳлилдан ўтказади.
Субъектнинг объектга фаол муносабати сифатидаги билишнинг энг умумий жиҳатларини таҳлилдан ўтказувчи гносеологиядан фарқли ўлароқ, методология билишнинг бу жиҳатлари ва томонлари билиш билан боғлиқ муайян вазиятларда ва билишнинг соҳаларида, маълум ижтимоий-иқтисодий, техникавий-технологик ва тарихий шароитларда қандай ўз ифодасини топишига эътиборни қаратади. Ҳозирги замон фан методологияси илмий фаолиятнинг маъносини, унинг ижод, амалиёт, ижтимоий борлиқнинг маънавият соҳаси, кенгроқ айтганда - бутун маданият билан алоқасини аниқлайди. Шундан сўнг методология илмий тадқиқотларни такомиллаштириш, рационализация қилиш, мақбуллаштириш ва самарадорлигини ошириш муаммоларини ўрганади.
Илмий тадқиқот босқичларини тавсифлаш ва таҳлилдан ўтказиш, ҳозирги замон компьютерлаштирилган фанининг тилини таҳлилдан ўтказиш, илмий тадқиқотнинг алоҳида тартиби ва усулларини қўллаш мумкин бўлган соҳаларни аниқлаш ҳам илмий билиш методологиясининг ваколатлари жумласига киради. Фан - бу ўсиб борувчи билим тизими бўлиб, қуйидаги компонентларни ўз ичига олади: илмий фактлар, махсус илмий тушунчалар, атамалар ва схемалар, ғоялар, гипотезалар ва назариялар, шунингдек фан қонунлари ва илмий билиш методлари.
Илмий билиш методлари - бу объектни ўрганишнинг асосланган ва изчил усуллари ва қоидаларидир. Муайян фанларнинг умумилмий, хусусий ва махсус методлари тафовут этилади. Табиийки, фан эпистемологиясида уларнинг дастлабки иккитаси бевосита қизиқиш уйғотади.

Адабиётлар:

1. Shermuhamedova N. - Ilmiy tadqiqot metodologiyasi. -Тошкент: Axborot texnologiyalari, 2014, 450 b.
2. Шермухамедова H. A. Илмий тадқиқот методологияси.-Тошкент: Ношир, 2020. - 480 б.
3. Мирахмедов М., Тохиров М. Илмий тадқиқотлар методологияси - Тошкент: Темир йўллари институти нашриёти. 2012. 456 б
4. Новиков А. Методология научного исследования. -Москва: 2012.
5. Marcy A. Kelly, Pryce L. Haddix The Fundamentals of Scientific Research: An Introductory Laboratory Manual. Hoboken, New Jersey: “John Wiley & Sons, Inc.,” 208 pages.
Қўшимча адабиётлар:
6. Давронов 3. Д. Илмий ижодиёт методологияси. -Тошкент: ТМИ, 2004
7. Кононюк А. Е. Основы научных исследований. Общая теория эксперимента. -Киев: «Освита», 2012.
8. Карпов А. Практическое пособие для аспирантов и соискателей: (как поступить в аспирантуру, как написать диссертацию, автореферат, научную статью, как подготовить к защите и защитить диссертацию) 2-е издание.-Москва: Научные технологии. 2014. 265
9. Лудченко А. А. Лудченко Я. А. Примак Т. А. Основы научных исследований. -Киев: «Знания» ООО. 2001.
10. Лебедев С. А. Методы научного познание. -Москва: Альфа, Инфра. 2014. 271 с.
11. Огурцов А. Н. Основы научных исследований. -Харьков: НТУ «ХПИ» 2008.
12. Сабитов Р. А. Основы научных исследований. -Челябинск: Челяб. гос. Ун-т. 2002.
13. Старостин А. М. Философские инновации: концепции и основные сферы проявлений. -Ростов на Дону: Изд. СКАГС, 2009. 564 с.
14. Саифназаров И. Каримов Т. Никитченко Г.В. Илмий ижод методологияси. -Тошкент: ТДИУ, 2004.
15. Шермухамедова Н.А. Falsafa va fan metodologiyasi - Toshkent: Axborot texnologiyalari, 2014. 480 6.