Мақсад: Ватанпарварлик туйғусини тарбиялаш, Ватан билан фахрланиш ҳиссини пайдо қилиш. Конституциянинг асосий қонунлари билан таништириш.

КОНСТИТУЦИЯ КУНИ

Байрам эрталиги
(тайёрлов гурухи учун)

КОНСТИТУЦИЯ КУНИ

Байрам эрталиги
(тайёрлов гурухи учун)
Мақсад: Ватанпарварлик туйғусини тарбиялаш, Ватан билан фахрланиш ҳиссини пайдо қилиш. Конституциянинг асосий қонунлари билан таништириш.
(Байрамона безатилган залга болалар қувноқ куй остида кириб келадилар ва ярим доира ҳосил қиладилар.)
Бориши
Бошловчи: Қадрли , болалар! Ҳурматли , меҳмонлар! Бугун сизлар билан 8 декабрь кунини байрам қилиш учун йиғилдик. Болаэонлар нима учун биз 8-декабрни байрам сифатида нишонлаймиз. Чунки 1991 йилнинг 1 сентябрида Республикамиз бутун дунёга ўзининг мустақиллигини эълон қилганидан кейин, 1992 йилнинг 8 декабрида эса, энг асосий қонунимиз-Ўзбекистон Республикасининг Конституцияси қабул қилинди. Конституция деб аталадиган китобда сиз ва бизнинг тўғри яшашимиз учун қонун қоидалар белгилаб берилган. Мана ўша китоб. (Конституция китобининг катта макетини кўрсатади). Унда Ватанимизда яшовчи ҳар бир инсон тенг ҳуқуқли экани, ҳалол меҳнат қилиш, гўзал она Ватанимизни ҳимоя қилиш, мустақиллигимизни мустаҳкамлаш, бир-бирларимиз билан дўстлик ва аҳилликда яшаш, бир-бирмизга керакли пайтда ёрдам бериш ҳар биримизнинг инсоний бурчимиз эканлиги айтиб ўтилган.
1 бола: Ўзбекистон фарзандимиз,
Мустақил юрт дилбандимиз.
Элимизнинг эркасимиз,
Ватанимиз эртасимиз.
2 бола: Боболарга давомичи,
Истиқболнинг таянчи.
Кўкка етар орзулар,
Биз Ватаннинг ишончи.
Каптарлар ва шарлар билан машқ.
«Ўзбекистон» қўшиғига.(фонограмма)
(Қўшиқдан сўнг мусиқа остида залга Хумо қуши кийимидаги қиз бола кириб келади. Хумо қуши қанотларини қоқиб, зални доира бўйлаб айланиб ўтади ва маркзий қимда тўхтайди.)
Хумо: Мен хумо қушиман,
Бахт ва омад қушиман.
Буюк она Ватанимнинг,
Орзу умид қушиман!
Қадрли, болалар! Ҳар йилнинг 8 декабрь куни, халқимиз катта байрам, яъни Конституция кунини байрам қилади. Конституция нима эканини энди билиб олдингиз. Демак конституция бу. . .
Болалар: Асосий қонун!
Хумо: Мен байрамга қуруқ қўл билан келганим йўқ. Сизларга сеҳрли китобни совға қилиб олиб келдим. (Конституция китобининг катталаштирилган макетини олиб киради). Бу китоб билан саёҳат қилиб, сиз Ўзбекистон республикасининг фуқароси бўлган ҳар бир инсоннинг ҳуқуқ ва эркинликлари, бурч ва мажбуриятларини билиб оласиз. Оқ йўл сизга, болалар!
Бошловчи: Раҳмат, сенга Хумо қуши. Бу жуда керакли ва жуда қизиқ китоб экан. Биз болалар билан жон деб Конституция оламига саёҳатга чиқамиз. Тўғрими, болалар?
(Хумо қуши ҳайрлашиб, учиб кетади).