Ma’ruzachi: Jiyanbekova Sharofat Abdikaxarovna

Fransiyada Ikkinchi imperiyaning o'rnatilishi

Iyul monarxiyasi.

1815- yilda hokimiyati yana qayta tiklangan Burbonlar sulolasining vakili Lyudovik XVIII Napoleon tarafdorlaridan o'ch ola boshladi. Ko'plab harbiylar otib tashlandi.

1824- yilda Lyudovik XVIII vafot etdi. Taxtni ukasi Karl X egalladi. U o'z hokimiyatini yanada mustahkamlashga urinib, 1830- yilda mamlakat parlamentini tarqatib yubordi.

Karl X

Fransiya qiroli Karl X inqilobdan qo'rqqanidan chet elga qochib ketdi.

Hokimiyat yirik burjuaziya - bank, yirik sanoat korxonalari, birjalar, yollanma mehnatdan foydalanuvchi katta yer egalari qo'liga o'tdi.

Ayni paytda monarxiyani saqlab qolishga urindilar.

Shu maqsadda taxtga Burbonlarga qarindosh bo'lgan Lui-Filipp Orleanskiy o'tqazildi. Shu yo'l bilan monarxiya saqlab qolindi. Bu hodisa iyul oyida ro'y berganligi tufayli tarixga «Iyul monarxiyasi» nomi bilan kirdi.
Lui-Filipp Orleanskiy

Iyul monarxiyasi inqirozi.

Yangi qirol va konstitutsiya xalq ommasining ahvolini yengillashtira olmadi.
Ishchilarning ish vaqti 12-16 soat davom etardi.

Korxona egalari ularning ish haqini oshirish haqidagi talabini rad etishi 1831- yilda qo'zg'olon ko'tarilishiga olib keldi.

Qo'zg'olonchilar Lion shahrini egallab oldilar.

Biroq poytaxt Parijdan Lionga yuborilgan 20 ming kishilik qo'shin qo'zg'olonni shafqatsizlik bilan bostirdi.

1848- yil inqilobi.

1845- va 1847- yillarda Fransiyada qurg'oqchilik ro'y berdi. Natijada oziq-ovqat mahsulotlarining, birinchi navbatda nonning narxi oshib ketdi.
Bu ham yetmaganidek,
1847- yilda Yevropa davlatlari iqtisodiyotini inqiroz qamrab oldi.

Korxonalarning yopilishi yoki ishchi o'rinlarining qisqartirilishi natijasida ishsizlik oshib bordi. Bularning barchasi inqilobning yuzaga kelishiga sharoit yaratdi.