Маъруза ва семинар машгулотларни укитиш технологияси

Б.Б.Б. – учун маълумот
Ўзбекистон Республикасининг “Бухгалтерия хисоби тўғрисида”ги Қонунининг 14-моддасига кўра корхонанинг капитали устав, қўшилган ва захира капиталидан ҳамда таксимланмаган фойдадан таркиб топади. Ушбу тушинчаларнинг таърифи мавзунинг 1, 2 саволларига тегишли бўлган 1, 2–иловаларда берилган.
Хўжалик фаолиятида тегишли фондлардан фойдаланилади. Масалан, устав капитали (фонди), резерв капитали (фонди) ва бошқалар.
Фонд сўзи лотинча “Fondus” сўзидан олинган бўлиб, асос деган маънони билдиради. Бухгалтерия хисобида фондлар маълум бир активларнинг манбаларини, яъни асосини билдиради. Бундан ташқари фондлар маълум мақсадлар учун ташкил этилади ва фақат шу мақсадлар учун ишлатилади.
Ҳар бир хўжаликда йил охирида молиявий натижа аниқланади.
Молиявий хисоботни тайёрлаш ва тақдим этишнинг концептуал асосининг 38.7-бандига кўра молиявий натижалар – хўжалик юритувчи субъектнинг фойда ёки зарар шаклида ифодаланган фаолиятининг провард иқтисодий якунидир.
Хўжаликларда “Махсулот (иш, хизмат)ларни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги Низом”га биноан фойданинг қуйидаги кўрсаткичлари аниқланади:

1. 
   Махсулот (иш, хизмат) сотишдан ялпи фойда;
   
2. 
   Асосий ишлаб чиқариш фаолиятидан фойда;
   
3. 
   Умумхўжалик фаолиятидан фойда;
   
4. 
   Солиқ тўлангунгача бўлган фойда;
   
5. 
   Соф фойда.
   

Мавзунинг 2-саволига берилган 3-иловада келтирилганидек капитал, фонд ва молиявий натижаларни хисоби бўйича қўйидаги счётлар мўлжалланган:
8300 – Устав капиталини хисобга олувчи счётлар;
8400 – Қўшилган капитални хисобга олувчи счётлар;
8500 – Резерв капиталини хисобга олувчи счётлар;
8700 – Тақсимланмаган фойда (қопланмаган зарар)ни хисобга олувчи счётлар;
8900 – Келгуси давр харажатлари ва тўловлари резервларини хисобга олувчи счётлар ва бошқалар.

5-илова (9.1.)