Маъруза o’zbekiston respublikasi oliy va o’rta maxsus ta’lim vazirligi

МАЪРУЗА-1.O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI

GULISTON DAVLAT UNIVERSITETI

“KIMYO”

KAFEDRASI

“FIZIK VA KOLLOID KIMYO”

FANIDAN MAJMUA

Guliston—2016

KIRISH
1997 yilda qabul qilingan «Ta’lim to’g’risida» gi Qonun va «Kadrlar tayyorlash milliy dasturi» asosida respublikamizda ta’limni tubdan isloh qilish tadbirlari amalga oshirilmoqda. Shu asosda uzluksiz ta’lim tizimi barpo etildi, o’quv sistemasi 4 yillik bakalavriyatga o’tdi. Shu munosabat bilan o’quv rejalar va dasturlar ham bir muncha o’zgartirildi. Bu fan o’quv rejasiga ko’ra 4–5-semestrlarda o’tiladigan bo’lib, rejaga mos ravishda 72 soatlik ma’ruzaga mo’ljallangan.

Mazkur ma’ruzalar matni kimyo–texnologiya va biotexnologiya, xamda oziq-ovqat maxsulotlari texnologiya yo’nalishlari bo’yicha ta’lim oluvchi bakalavrlar uchun fanni o’zlashtirishda dasturi amal bo’lib xizmat qiladi.
Ma’ruzalar matnini yozishda akad. X.R.Rustamovning “Fizik kimyo” darsliklari asos qilib olingan. Fizik kimyo fanining asoslaridan biri bo’lgan kimyoviy termodinamika bo’limiga ayniqsa katta e’tibor berilishi tabiiy, chunki bu bo’lim qonun-qoidalari ko’pgina boshqa bo’limlarda qo’llanilishi ko’zda tutilgan. O’rinli deb topilgan joylarda misollar keltirilgan. Boshqa bo’limlarga - kimyoviy muvozanat, eritmalar, elektrolit eritmalar, elektrodlardagi jarayonlar, kinetika va katalizlarga ajratilgan vaqtni nazarda tutgan holda bu bo’limlarga matnda aloxila o’rin berilgan. Matnlar yakunida nazorat savollari berib borilgan. Talabalar bilimini reyting tizimi bo’yicha baholash uchun test savollari majmuasi keltirilgan.

Ma’ruza № 1.
Fizikaviy kimyo faninig vazifasi va uning taraqqiy etishida vatanimiz va chet el olimlarining roli.
REJA:
1. Fizik kimyo.
2. Asosiy bo’limlari haqida qisqacha tushunchalar.
3. Fizikaviy kimyo fanining taraqqiy etishida vatanimiz va chet el olimlarining roli.
Talabalar bilimini (fanini o’zlashtirishni) nazorat qilish O’zbekiston respublikasining “Ta’lim to’g’risida”gi, “Kadrlar tayyorlash milliy dasturi”, qonunlari va “O’zbekiston Respublikasi Oliy va o’rta maxsus ta’lim vazirligining 1999 yil 8iyun 194-sonli buyrug’i bilan tasdiqlangan “Oliy o’quv yurtlarida talabalar bilimini nazorat qilish va baholashning reyting tizimi to’g’risida namunaviy “Nizom” va institutda tasdiqlangan “Nizom”lar asosida olib borilishi.
Nazorat turlari-joriy, oraliq, yakuniy baxolashlar (nazoratlar). Bularning aynan fizik kimyo fani o’tilishidagi tartibi haqida.
Bunda har qaysi nazorat turiga ajratilgan ballar va ularni o’tkazish muddatlari va usullari haqida.
Reyting tizimining yakuniy baxolash bosqichida “yozma ish” usulini tadbiq etish namunaviy Nizom asosida olib borilishi. Talabalar bilimini reyting tizimi bo’yicha baxolashning tayanch so’z va iboralarga asoslangan “Yozma ish” usuli, talabalarda o’tilgan fanlarga nisbatan ijodiy yondashish, mustaqil fikrlash, o’z bilimini doimiy ravishda oshirish, adabiyotlardan keng foydalanish, o’tilgan fanlarning muayyan mavzulari bo’yicha tuzilgan tayanch tushunchalariga asoslangan xolda, o’z fikrlarni yozma ravishda aniq va lo’nda ifodalab berish hamda taxlil etish kabi xususiyatlarni shakllantirish va rivojlantirish.
“Yozma ish” ni o’tkazish tartibi haqida.
Talaba bilimini baxolash tartibi. Semestr davomida o’tkazilgan fan bo’yicha maksimal balning kamida 55% ni to’plagan talaba qoniqarli o’qiyotgan deb hisoblanishi. Reyting ballarini hisoblashda o’quv mashg’ulotlaridagi faoligi mustaqil ishlarni bajarishga ijodiy yondasha olish, o’quv intizomiga amal qilish sifatlari ham hisobga olinishi.
Fan bo’yicha belgilangan maksimal reyting ballning 55% dan kam ball to’plagan talaba, belgilangan tartibda rektorning buyrug’i bilan talabalar safidan chetlashtirilishi.