Маъруза мавзуси: Ўзгармас ток занжирлари

Электр занжирининг иш режимлари

• Электр занжирининг иш режимлари мазкур занжир айрим элементларининг токи, кучланиши ва қувватларининг қийматлари билан аниқланади.
• Салт ишлаш режими деганда ташқи занжир манбадан ажратилган ва унинг қаршилиги амалда чексиз бўлиб, занжирдан ток ўтмагандаги ҳоли тушунилади. Бу ҳолда манба ичида кучланишнинг пасайиши нолга тенг бўлиб, унинг қисмаларидаги кучланиш генераторнинг(манбанинг) ЭЮК ига тенг бўлади. Электр машиналарининг юкламасиз ишлаши салт ишлаш режимига киради.
• Номинал (нормал) режим электр машиналарининг, аппаратларнинг, асбобларнинг ва симларнинг ишлаб чиқарувчи завод томонидан кўрсатилган номинал ток, номинал кучланиш ва номинал қувват билан ишлашидир. Электр қурилмаларининг номинал параметрлари ичида энг характерлиси номинал кучланиш ва номинал ток ҳисобланади. Ўзгармас токда ишлайдиган аксарият истеъмолчилар 110, 220,440 В номинал кучланишга мўлжалланган бўлади.

Электр занжирларининг иш режимлари

• Агар электр занжири режимининг ҳақиқий тавсифномалари унинг номиналидан фарқ қилса-ю, аммо бу фарқ жоиз чегарасида бўлса, бундай режим юклама режими дейилади.
• Қисқа туташув режими аварияли режим ҳисобланиб, у энергия манбаларининг қисмалари ёки энергия манбаидан истеъмолчига тортилган линия симлари қисқа туташтирилганда содир бўлади. Бу ҳолда токлар йўл қўйиб бўлмайдиган катта қийматларга эришиб, тармоқ симларининг ҳавфли қизишига олиб келади.
• Агар берилган параметрли энергия манбаидан энг катта қувват олиш керак бўлса, мослаштирилган иш режими амалга оширилади. Юклама қаршилиги энергия манбаининг ички қаршилигига тенг бўлганда истеъмолчига узатилаётган қувват энг кўп бўлади.

Электр занжирларини ҳисоблаш усуллари.

• Мураккаб ўзгармас ток электр занжирларини ҳисоблашдан мақсад ушбу занжирлар тармоқларидаги токларнинг қандай тақсимланганлигини аниқлашдир.
• Электр занжирларини ҳисоблашнинг бир неча усуллари ишлаб чиқилган:
• 1) Кирхгоф қонунларини бевосита қўллаш усули.
• 2) Контур токлари усули.
• 3) Устлаш (суперпозиция) усули.
• 4) Тугун потенциаллари (кучланишлари) усули.
• 5) Эквивалент генератор (манба) усули.