Ma’ruza mavzulari 1-Modul. Neft-gazkimyo sanoati tavsifi va taraqqiyoti

3. Buxoro muhandislik-texnologiya instituti tarixi

Buxoroda Toshkent Politexnika instituti maslahat bo`limining tashkil qilinishi (1958 y) texnika oliy o`quv yurtini tashkil qilishda birinchi qadam bo`ldi.

Keyinchalik, Ittifoq Ministrlar Soveti 1964 yilning 9 aprelida qabul qilgan 285-raqamli «Sirtqi va kechki oliy va o`rta maxsus ta`limni yanada yaxshilash to`g`risida»gi qarorida mamlakat oliy o`quv yurtlarining kechki va sirtqi bo`limlari faoliyatini yanada yaxshilash, ularning moddiy-texnika asoslarini kengaytirish bilan ishlab chiqarishda ishlovchi yoshlarning malakasini oshirish uchun qulay sharoitlar yaratishni talab qildi.

Respublika Ministrlar Soveti shu qarorni bajarishga qaratilgan 1964 yilning 11 iyunida maxsus qaror qabul qilib, kechki va sirtqi o`quv yurtlarini mustahkamlash bilan korxonalar, sanoatmarkazlari va sovxozlarda sirtqi bo`limlarning maslahat punktlarini tashkil qilib, ularni malakali o`qituvchilar bilan ta`minlashni talab qildi. Bu o`quv yurtlarning moddiy-texnika asoslarini yaxshilash uchun ularga yaqindan turib yordam byerishlarini talab etdi. Bu qarorlarda talabalar uchun maxsus darsliklarni yaratish, o`quv binolarini va yotoqxonalarni qurish zarurligi ko`rsatildi. Shuni alohida ta`kidlash joizki, bu ishlarni boshida hozirda marhum professor Muxtor Ne`matovich Rahmatov turgan edi.