Маъруза Мавзу: Миқдор ва сарфни ўлчаш тизимлари. Сарф ва миқдор тўғрисида умумий маълумотлар. Ҳажмий ва тезлик ҳисоблагичлари

Суюқлик миқдорини ўлчайдиган тезлик ҳисоблагичлари ҳаракатдаги оқимнинг ўртача тезлигини ўлчаш принципига асосланган.
Суюқлик миқдори оқим ҳаракати тезлиги билан қуйидаги нисбат орқали боғланган:
(1.2)
бу ерда Q — ҳажмий сарф, м³/с; v_ўрт — оқимнинг ўртача тезлиги, м/с; S — оқимнинг кўндаланг кесим юзи, м².
Оқим йўлига ўрнатилган парракларнинг айланиш сонига қараб асбобдан ўтган суюқлик миқдорини аниқлаш мумкин. Парраклар айланишининг тезлиги оқим тезлигига пропорционалдир:
(1.3)
бунда n — парракларникг айланиш сони, 1/с; К — асбобнинг геометрик ҳажмига боғлиқ бўлган доимийси, м^-1
Агар (1.2) тенгламани назарда тутсак:
(1.4)



1.4-расм. Спиралсимон парракли суюқлик ҳисоблагичи

Парракларнинг τ вақт ичидаги айланишлар сони асбобдан шу вақт ичида ўтган модда сарфига пропорционал:

(1.5)
Парракларнинг шаклига кўра тезлик ҳисоблагичлари икки гуруҳга бўлинади: спиралсимон ва қанотли.
Спиралсимон парраклар ўлчанаётган оқимга нисбатан параллел, қанотли парраклар эса оқим ўқига перпендикуляр жойлашади. Спиралсимон парракли тезлик ҳисоблагичлари кўп миқдордаги сув сарфини ўлчашда ишлатилади. 1.4-расмда спи­ралсимон (горизонтал) парракли (сув ўлчагич) ҳисоблагич кўрсатилган. Суюқлик оқими асбобнинг корпуси 1 га келиб, шарра тўғрилагич 5 орқали кўп киримли винт шаклида ишланган паррак куракчалари 2 га йўналади. Парракнинг айланиши червякли жуфт 6 ва узатиш механизми 3 орқали ҳисоблагич 4 га узатилади.
Бу ҳисоблагичлар 50 . . . 200 мм шартли ўтишга мўлжалланиб, сарфни 70 . . . 1700 м³/соат ва ±2 . . . 3% хато билан ўлчайди. Муҳитнинг босими 0,98 МПа (10 кгк/см²) дан ошмаслиги керак.
С уюқликни парракка келтириш усулига кўра қанотли ҳисоблагичлар бир шаррали ва кўп шаррали бўлади.
1.5-расмда бир шаррали (а) ва кўп шаррали (б) ҳисоблагичлар схемаси кўрсатилган. Бу ҳисоблагичларда суюқлик асбобнинг парракларига тангенциаль равишда йўналтирилади.
1.5-расм. Бир шаррали (а) ва кўп шаррали (б) ҳисоблагичлар схемалари

Парракли ҳисоблагичлар агрессив бўлмаган оқимда ишласа ва оқим температураси 30°С дан ошмаса, уларнинг парраги пластмассадан тайёрланади. Оқим температураси 90°С дан юқори бўлса, пар­раклар жездан тайёрланади.