Ma’ruza matnlari

Aylanish. Aylanish bosqichi odatda qaysi qo'l devorga tegsa, shu tomonga harakatlanish bilan boshlanadi. Ya'ni suzuvchining qo'li devorga tekkach, u g'ujanak holatini oladi, oyoqlar tizza bo'g'imidan suv satxiga chiqibon harakat qiladi. Oyoqlari bo'lsa bir-biriga parallel holatda panjalari bilan devorga tiraladi. Bu paytda qo'llar uzatilib uchlari birlashtirilgan bo'ladi.
Yopiq burilish. Yopiq burilish ikki xil usulda bajariladi. Uning birinchi varianti ikkinchi variantdagidek bajariladi. Faqat bunda qo'l devorga tekkanida bosh suvda bo'ladi va nafas olinmaydi.
Brass usulida suzishdagi burilish. Brass usulida suzishdagi burilishga tafovut qilinadi, har ikkalasining ham o'z usullari bor. Shunga qaramay hammasidan ham burilish paytida basseyn devoriga har ikkala qo'l bilan bir paytda tegish, tayanish va siltanish, tanani gorizontal holatda tutish shart.
Ochiq burilish. Ochiq burilishning birinchi usulida basseyn devoriga etib kelib hozir aytganimizdek, ikkala qo'l bilan tegiladi va ikkala oyoqni tizzadan, chanoq son bo'g'imidan, qo'llarni tirsakdan bukib, devorga yaqinlashiladi. So'ng suzuvchi bir qo'lini devordan olib shu qo'l tomonga aylana boshlaydi. Bunda bosh va elka bilan keskin harakat qilib, aylanishni tezlashtirishga yordam beradi va suv ichida nafas chiqariladi. Oyoqlar devor tomonga yo'naladi, bosh suvdan xila chiqib nafas olinadi.
Chalqancha suzish usulidagi burilish. Bu suzish usulida eng ko'p ochiq burilish usuli qo'llaniladi. Bunda shart shuki suzuvchi to qo'li basseyn devoriga tegmagunicha ko'kragiga, ya'ni pastga qarab ag'darilib olmasligi kerak, qaysi qo'l devorga birinchi bo'lib tegsa, shu qo'l tana buradi. Binobarin o'ng qo'l tegsa o'ng tomonga, chap qo'l tegsa chap tomonga buriladi. Burilish qaysi holda bo'lmasin aylanish oldingi-orqa o'q atrofida yuzaga keladi. Endi burilishning bosqichlarini tavsiflashga o'tamiz.