Maruza mashg`ulotlari mavzu Pedagogik faoliyat va unga qo‘yiladigan talablar

Dasturiy ta’minot sohasida informatika o’qitish uslubiyoti yangi dasturiy mahsulotni ishlab chiqishni, muayyan dasturiy mahsulotdan foydalanish maqsadga muvofiqligini asoslab beradi. Informatika kursining dasturiy ta’minoti kompyuterlarning ba’zaviy(tayanch) dasturiy ta’minoti va informatika kursining ma’lum bir mavzularini o’rganishga yordam beradigan pedagogik dasturiy vositalar (PDV) kompleksidan tashkil topadi.
Tashkiliy ta’minot sohasida informatika o’qitish uslubiyoti Pedagogik Dasturiy Ta’minot va axborot texnologiyalarini o’qitishda samarali qo’llash maqsadida, ma’lum muassasalar xodimlarining faoliyatini faollashtirishni ko’zda tutadi.
Texnik ta’minot sohasida informatika o’qitish uslubiyotining maqsadi quyidagilardan iborat:

• 
  o’quv – tarbiya jarayonida foydalaniladigan texnik vositalarni tanlashni iqtisodiy asoslash;
  
• 
  kelajakda foydalanish istiqbollarini hisobga olgan holda informatika xonasining parametrlarini, jihozlarni aniqlash.
  

Ma’lumki, ta’limning mazmuni deganda, talabalarning o’quv jarayonida egallab olishi lozim bo’lgan hamda bir tizimga solingan bilim, ko’nikma va malakalarning aniq belgilangan doirasi tushiniladi. Har bir o’quv fani o’qitish sohasi, o’rgatishning vazifalari, mazmuni, metodlari va tashkiliy ko’rinishi haqidagi fan ma’lumotlar asosida quriladi, bu fan metodika deb ataladi.
Didaktika – grekcha didaktikos so’zidan olingan bo’lib, “o’qitaman, o’qishni o’rgataman” ma’nolarini anglatadi. Shunga ko’ra didaktika o’qitish nazariyasi hisoblanadi.
Pedagogik nazariyaning ta’limotiga ko’ra didaktika va metodika bir-biri bilan uzviy bog’liq. Didaktika “nima o’qitish” va “nima uchun o’qitish” kerak degan savollar bilan shug’ullansa, metodika esa u bilan uzviy bog’liq holda “qanday tarzda” va “nimalar yordamida” o’qitish masalari bilan shug’ullanadi.