Ma’ruza mashg’ulotlari barcha ta’lim yo’nalishi uchun «hayot faoliyati xavfsizligi» fanining 2020/2021 o‘quv yili uchun mo‘ljallangan

15-MA’RUZA. YURAK-O‘PKA REANIMATSIYASI. YUQORI NAFAS YO‘LLARINING O‘TKAZUVCHANLIGINI TIKLASH.
Reja:

1. 
   Katta yoshlilarda yurak-o`pka faoliyatini tiklash tadbirlarini o`tkazish
   
2. 
   Bolalarda yurak-o`pka faoliyatini tiklashni o`tkazish
   

3. Nafas olish to`xtaganda birinchi yordam ko`rsatish: kattalar va bolalarda sun'iy o`pka ventilyatsiyasini o`tkazish

4. 
   Go`daklarda yurak-o`pka faoliyatini tiklash tadbirlarini o`tkazish
   

5. Yuqori nafas yo`llari o`tkazuvchanligini tiklash. Geymlix usuli

Katta yoshlilarda yurak-o`pka faoliyatini tiklash tadbirlarini o`tkazish

Agar voqea sodir bo`lgan joyda xavf-xatar bo`lmasa, birlamchi ko`zdan kechirish o`tkaziladi.

Jabrlanuvchining hushi joyidaligini aniqlash uchun "Sizga yordam kerakmi» deb baland ovoz bilan so`rab, chapak chalib, trapetsiyasimon muskulini siqish lozim.

Jabrlanuvchi hushsiz bo`lsa jabrlanuvchini asta orqasiga aylantiriladi (zarur bo`lgan taqdirdagina).

Nafas yo`llarini ochib, nafas bor-yo`qligi tekshiriladi. Buning uchun boshini orqaga egib, iyagi ko`tariladi. Nafas bor-yo`qligini aniqlash uchun 5 sekund davomida ko`rish, eshitish va sezish nazoratidan foydalaniladi.

Jabrlanuvchi nafas olmayotgan bo`lsa, jabrlanuvchini qattiq joyga orqasi bilan yotqizib, "Og`izdan-og`izga" ikki marta to`la puflab, jabrlanuvchining burun kataklari qisiladi. Lablar bilan jabrlanuvchining og`zini zich tutib, 2 marta to`la puflanadi. havo o`pkasiga o`tayotganiga ishonch hosil qilish uchun ko`krak qafasi ko`tarilishi kuzatiladi.

Tomir urayotgan-urmayotganligini tekshirish uchun 10 sekund davomida tomir urishi tekshiriladi.