maruza. Kirish. Neft va gaz geologiyasi soat

- mashinaning texnik imkoniyatini tavsiflovchi parametrik ko‘rsatkichlar, ya’ni ish unumdorligi, tezlik tavsiflari va shu kablar;
- iqtisodiy ko‘rsatkichlar, ya’ni yillik iqtisodiy samaradorlik, birlik ish tannarxi, kapital ajratmalar samaradorligi, qoplash muddati va shu kabilar;
- texnik daraja, sifat va ishonchlilik ko‘rsatkichlari, ya’ni kompleks sifat ko‘rsatkichlari, tayyorgarlik koeffitsiyenti, buzilishgacha ishlash va shu kabilar;
- ta’mirlash-ishlatish ko‘rsatkichlari, ya’ni ishlatishda mehnat sig‘imi koeffitsiyentlari, ishlatishda metall sig‘imi hajmi, ta’mirlararo xizmat muddati va shu kabilar;
- ergonomik va boshqalar.
Neft va gaz konlari quduqlaridan xom-ashyo mahsulotni qazib chiqarishdan boshlab to kon sharoitida tovar mahsulot tayyorlangunga qadar kondan qazib olinayotgan xom-ashyo mahsulotining tarkibi qismiga bog‘liq ravishda turli xildagi texnologiyalar qo‘llaniladi. Qo‘llaniladigan texnologiyalar va ularni amalga oshirish ketma ketliklari neft, neftgazli, neftgazkondensatli, gazkondensatli va gaz konlari sharoitlari uchun qisman bo‘lsada o‘zaro farq qiladi. Shuningdek konlardan foydalanishda ularni ishlatish usullari va unga mos ravishda tanlangan texnologiyalarni amalga oshirish uchun xam xar xil tavsifdagi mashina va jihozlar qo‘llaniladi. Kon sharoitida qo‘llanilayotgan mashina va texnologik jihozlar asosiy yoki yordamchi tavsiflarda bo‘ladi. Shuningdek kon ashroitida amalga oshiriladigan texnologiyalarni va unga mos ravishda jihozlar turini tanlash ishga tushirilayotgan konning yoki quduqning boshqa kon yoki quduqlarga nisbatan yaqinda yoki uzoqda joylashuvlariga xam bog‘liq bo‘ladi.
Yuqorida keltirilganlarni e’tiborga olib, qo‘llaniladigan texnologiyalar va ularga mos ravishda tanlanadigan mashinalar va jihozlar turlari hamda bajaradigan vazifalariga bog‘liq ravishda ularni shartli tizimlashtirish amalga oshirilgan. Bunga ko‘ra mashinalar, jihozlar, mexanizmlar, inshootlar, mexanizatsiyalash vositalari va barcha turdagi asboblar quyida keltirilgan sakkizta guruhga va bir nechta guruhchalarga ajratiladi.