maruza. Kirish. Neft va gaz geologiyasi soat

1-Maruza. KIRISH. NEFT VA GAZ GEOLOGIYASI. 1 soat.
1.1. Fanni o‘qitish maqsadi va vazifalari

Fanni o‘qitish geologik-qidiruv ishlarida, neft va gaz quduqlarini burg‘ilashda, neft va gazni qazib olish va tayyorlashda qo‘llaniladigan asosiy texnologik jarayonlarni o‘rganish, hamda ushbu jarayonlarni amalga oshirish uchun qo‘llaniladigan jihozlarning funksiyalarini, konstruksiyalarini va jihozlarning asosiy parametrlarini o‘rganishni maqsad qilib qo‘yadi.
Fan o‘quv jarayonining keyingi bosqichlarida o‘tiladigan ixtisoslik va maxsus fanlarni o‘rganish uchun asos sifatida xizmat qiladi.
Fanni o‘rganish natijasida talaba keyingi ta’lim olish jarayonida boshqa fanlarni o‘rganishga layoqatli bo‘lishi uchun quyidagi bilimlarni o‘zlashtirishlarini vazifa qilib qo‘yadi:
geologiya haqida umumiy tasavvurlarga ega bo‘lishi;
neft-gazni qidirish va razvedka qilish usullari haqida tushunchalarni egallashi;
chuqur quduqlarni burg‘ilashdagi asosiy jarayonlar va ularda qo‘llaniladigan jihozlarni bilishi;
neft va gazni qazib olish uchun qo‘llaniladigan asosiy jarayonlar va jihozlarni bilishi;
neft konlarining jihozlar bilan jihozlanishi, neft va gazni tovar mahsulot holatiga keltirilgunga qadar yig‘ish va tayyorlash uchun yer usti jihozlari to‘g‘risida tasavvurlarga ega bo‘lishi.
Fanning Oliy ta’lim (OT) asosiy ta’lim dasturi (ATD) strukturasida tutgan o‘rni.
Fan “Neft-gaz sanoati mashinalari va jihozlari” va “”Neft va gazni qayta ishlash sanoati mashinalari va apparatlari” magistratura mutaxassisliklari bo‘yicha bakalavrlar tayyorlashga yo‘naltirilgan bo‘lib, ta’lim yo‘nalishining umumkasbiy fanlari blokiga kiradi, geologiya–qidiruv mashinalari va apparatlari, burg‘ilash va neft-gaz konlari jihozlaridan foydalanishda ularga xizmat ko‘rsatish va ta’mirlash mexaniklari faoliyati sohalarini o‘rganishga qaratilgan.
Fan bitiruvchining UMK-1; UMK-2; UMK-3; UMK-4; UMK-7; UMK-9; UMK-13; umummadaniy kompetensiyalari va KK-9: KK-17 kasbiy kompetensiyalarini shakllantirishga mo‘ljallangan.