maruza. Kirish. Neft va gaz geologiyasi soat

Minora bir necha modifikatsiyalarda ishlab chiqariladi.
Minoralarni asosiy tavsiflariga - yuk ko‘taruvchanlik, balandligi, magazinlarni sig‘imi (burg‘ilash quvurlarini svechasi uchun joy) yuqori va pastki asoslarning o‘lchamlari, og‘irligi (minorani massasi) kiradi.

/
7.9-rasm. A-shakldagi machta minora.
1-chi ko‘taruvchi oyokdan, 2,3,4,5,6-chi machtali seksiyalaridan, 5-chi yong‘in narvonidan 7-chi montaj maydonchasidan 8-kranblok ramasi; 9, 10, 14-uzaytirgich; 11-tortgich; 12-tonnali narvon; 13-yuqori ishchi balkon; 15-himoyalovchi belbog‘lar; 16-yurish narvoni; 17-sharnirlandan tashkil topgan.

Minorani yuk ko‘tarishi-quduqlarni burg‘ilash jarayonida maksimal, chegaraviy ruxsat etilgan yuklanmadir. Minorani balandligi svechani uzunligini aniqlaydi, chunki quduqdan chiqarib olish mumkin bo‘lishi va tushirish-ko‘tarish jarayonlarini davom etishi minorani balandligiga bog‘liqdir.
Chuqurligi 400 -600 metr bo‘lgan quduqlarni burg‘ilashda balandligi 16-18 metr minora qo‘llaniladi, chuqurligi 4000÷6500 metr bo‘lganda-balandligi 42-metr bo‘lganda balandligi – 53 metrli minoralar qo‘llaniladi.
“Magazin” hajmi shunday bo‘lishi kerakki diametri 114÷168 mm bo‘lgan burg‘ilash quvurlari unga joylashtirilishi kerak. Yuqori va pastki asoslarini o‘lchamlari burg‘ilash brigadasining sharoitdan kelib chiqib, burg‘ilash jihozlarini, burg‘ilash asboblarini va tushirish-ko‘tarish jarayonidagi mexanizatsiya vositalarini joylashtirishga bog‘liqdir.
Minorani yuqori asosini o‘lchamlari 2x2 yoki 2.6x2.6m, pastki asosiniki 8x8 yoki 10x10 m. Burg‘ilash minorasini umumiy massasi o‘nlab tonnani tashkil etadi.
Tushirish-ko‘tarish jarayonlarini mexanzatsiyalashtirish uchun tal tizimi va burg‘ilash chig‘irigi qo‘llaniladi. Tal tizimi qo‘zgalmaydigan kranblokdan tuzilgan bo‘lib, burg‘ilash minorasini yuqori qismiga o‘rnatiladi. Tal bloki kranblokka tal arqonlari bilan biriktirilib, bitta uchi chig‘iriq g‘altagiga mahkamlanadi, boshqa uchi esa qo‘zgalmaydigan burg‘ilash ilgagiga mahkamlanadi. Tal tizmi polispast (yuk ko‘taruvchi mexanzm) hisoblanib, tal arqonlarini tortilishini kamaytirish uchun mo‘ljallangan bo‘lib, burg‘ilash asboblarini mustahkamlash va burg‘ilash quvurlarini tushirish tezligi kamaytirishda qo‘llaniladi.
Ilgak burg‘ilash asbobi osiladi: burg‘ilashda vertlyug yordamida, tushirish-ko‘tarish jarayonlarida shtroplar va elevatorlar yordamida amalga oshiriladi (7.10-rasm). Burg‘ilash chig‘irig‘i quyidagi hollarda qo‘llaniladi; 1) burg‘ilash asboblarini og‘irligini ushlab turish; 2) tushirish-ko‘tarishda burg‘ilash va mustahkamlash quvurlarini ushlab turishda.