maruza. Kirish. Neft va gaz geologiyasi soat

Reja:

7.1. Quduqlarni burg‘ilashni tarixiy yo‘li va istikboli.
7.2. Quduqlar tasnifi.
7.3. Burg‘ilash usullari haqida tushuncha.
7.4. Jins yemiruvchi asboblar.
7.5. Neft va gaz quduqlarini burg‘ilash usullari.
7.6. Burg‘ilash nasoslari.
7.7. Burg‘ilash quvurlari.
7.8. Tub dvigatellar.
7.9. Elektroburlar.
7.10. Quduqlarni qurish bosqichi

Tayanch iboralar: Quduq konstruksiyasi - quduqqa tushiriladigan himoya quvurlarining soni, diametri, tushirish chuqurligi va sement qorishmasining ko‘tarilish balandligi;
Bashmoq - birinchi tushiriladigan himoya quvuriga o‘rnatiladi;
Quvur orti pakeri - himoya quvurlarini mustahkamlash uchun ishlatiladi; maxsus jelonka - ko‘tarib urish usulida burg‘ilashda burg‘ilangan tog‘ jinslarini yuqoriga olib chiqadigan moslama;
Rekultivatsiya - burg‘ilash ishlari tugatilgandan keyin yerning ustki qismini avvalgi holiga qaytarish;
Inklometriya - quduqning qiyshiqligini o‘lchash.
Sement ko‘prigi – burg‘ilash eritmasini yutilishini bartaraf etish uchun quduqka qo‘yiladi;
Sement stakani - himoya tizmalarini sementlaganda quduq tubida 10- 20 metr uzunlikda sement stakani qoldiriladi:
Mustahkamlik guruxi - burg‘ilash quvurlari mustahkamlik guruxi har xil bo‘lgan (D,K,YE,L,M) po‘latdan tayyorlanadi.
Sham - burg‘ilash minorasining uzunligiga mos holda 3 ta yoki 4 ta burg‘ilash quvuridan tashkil topgan bo‘ladi.
OBQM - muvozanatlashtirilgan og‘irlashtirilgan burg‘ilash quvurlari.
Burg‘ilash usullari, tal blok, kranblok, svecha, minora, ilgak, avtomatik kalitlar, tushirish-ko‘tarish kalitlar, burg‘ilash nasoslari, burg‘ilash quvurlari, turboburlar, qurish bosqichi, eritmani tayyorlash, aeratsiyali eritmalar, SFM.

7.1 Quduqlarni burg‘ilashni tarixiy yo‘li va istikboli.

Quduq deb – diametri uzunligidan ko‘p marta kichik bo‘lgan, silindrik ko‘rinishidagi tog‘ kazilmasiga aytiladi. Quduqning boshlanishi uning yuqori qismi (ustya) deyiladi. Quduq o‘qining vertikal proyeksiyasi – uning chuqurligi deyiladi.