Ma’ruza Informatika faniga kirish. Akt ning asosiy vazifalari. Axborot-kommunikatsiya texnologiyalarining rivojlanishidagi asosiy bosqichlar. Reja

Axborotlashtirish - axborot resurslari, axborot texnologiyalari va axborot tizimlaridan foydalanilgan holda yuridik va jismoniy shaxslarning axborotga bo’lgan ehtiyojlarini qondirish uchun shart-sharoitlar yaratishning tashkiliy ijtimoiy-iqtisodiy va ilmiy-texnikaviy jarayoni.

Informatika - bu insoniyat faoliyatining bir sohasi bo’lib, u axborotni hosil qilish, saqlash va kompyuter yordamida ularni qayta ishlash va uzatishlar bilan o’zaro bog’liq bo’lgan jarayonlarni o’rganadigan fan bo’lib hisoblanadi. Informatika atamasi 60 -yillar oxirida Fransiyada vujudga keldi. U axborot (information) va avtomatika (automatique) so’zlarini birlashtirishdan hosil bo’lgan.