Маъруза ассалому алайкум муҳтарам Президент!

Ўзбекистон Республикаси Президенти раҳбарлигида
2020 йил 16 сентябрь куни ўтказиладиган йиғилишга
МАЪРУЗА

Ассалому алайкум муҳтарам Президент!

Рухсат берсангиз кун тартибидаги масалалар бўйича ҳисобот берсам.
Бу йил вилоятимиз учун жуда синовли йил бўлди. Бир тарафдан пандемия бўлса, иккинчи тарафдан Сардоба сув омборида юз берган талафот бизни янада сергак тортишга мажбур қилди. Биз йиллар давомида олдимиздан оққан сувни қадрига етмаганимизни, бу йилда сув қанчалик аҳоли ҳаёти, қишлоқ хўжалиги ва иқтисодий соҳа ривожланиши учун муҳим ўрин тутишини англаб етдик.
Сардоба сув омбори бизнинг сув эҳтиёжларимизни қондиришнинг асосий ечими бўлганлигига бугун амин бўлмоқдамиз. Сардоба, Мирзаобод ва Оқолтин туманлари Жиззах вилоятининг айрим ҳудудларида сув танқислиги бўлиб, такрорий экинларни қисқартиришга мажбур бўлдик.
Сизнинг қўшни давлатлар билан олиб бораётган дўстона сиёсатингиз ҳамда сув танқислиги муаммоларимизни ҳал этиб берганингиз натижасида жорий йилнинг суғориш мавсумида
10-15 фоиз сув ресурсларидан танқислик кузатилди. Бундан, нафақат деҳқонларимиз балки бутун вилоятимиз аҳли сиздан миннатдор.
Бундан ташқари Сизнинг вилоятимизга алоҳида эътиборингиз натижасида тошқиндан зарар кўрган 97 км сув тармоқлари, шундан 73 км каналлар, 24 км лотоклар ва 28 та сув иншоотлари тикланди. Мазкур ишлар учун 63 млрд. сўм маблағ сарфланди.
Тошқиндан ҳосил бўлган сувларни чиқариш учун ўрнатилган 50 та насослардан бугунги кунда жойларда экин майдонларни суғоришда кенг фойдаландик.
Шунингдек, сувдан оқилона фойдаланиш мақсадида ушбу йилда сув ресурсларини йўқотишларга йўл қўймаслик мақсадида, 472 км каналлар, 670 км коллектор-зовурлар, 25 км лотоклар қайта реконструкция ва тозалаш ишлари олиб борилди.
Сув танқислиги кузатилган майдонларга коллекторлардан қўшимча сув олиш учун бюджет ҳисобидаги 19 дона стационар насос станциялари ва 119 дона кўчма насослар ҳамда фермерларнинг 230 дона стационар насослари ёрдамида