Маъруза-2: Йирик панель уйсозлиги

8-расм. Вертикал чокларнинг сувдан ҳимоя қилиниши:
а - ёпиқ чок; б - дренажли чок; в - очиқ чок; 1 - ташқи девор панели; 2 - ички девор панели; 3-ташқи девор панелининг вертикал ён сиртига ёпиштириладиган толь қоғоз; 4 -плёнкага ўралган иссиқлик изоляцияси (минвата -бутун ба- ландлик бўйлаб); 5 -зичлаткич материал (герметик); 6 -цемент-қум қоришма- си; 7 - ҳимояловчи лак-буёқ; 8 -сув оқизғич; 9 -алюминий ёки изопрен лента
Ёпиқ чокларнинг ташқи қисми синтетик мастикалар билан зичлаштирилгаи бўлади. Эластик қистирма сифатида гернит ва пороизолдан, зичлаштирадиган мастика сифатида эса -полисульфит, силикат ва полиизобутилен мастикалардан, тиокол каучуки асосида олинадиган У-30, У-ЗОМ, УЗ-35, ГС-1, УТ-35, УМ-40, УМС-5О ва бошқа зичлаткичлардан фойдаланилади. Ҳимоя қатлами сифатида полимерцемент бирикма, ёруғлик нурини қайтарувчи бўёқ қўлланилши мумкин.
Дренажли чокларда тасодифан кириб қолган сувни улардан чиқариб юбориш учун сув оқизғич мослама қилинади. Очиқ чоклар ички ва ташқи конструктив қатламлари эгилувчан боғловчилар ёрдамида бириктирилган уч қатламли панеллар қўлланилганда барча иқлимий худудларда ишлатилиши мумкин. Бошқа хил девор панелларида очиқ чоклар фақат илиқ ва иссиқ худудларда ишлатилади. Очиқ чокда канал бўлмаслиги ҳам мумкин.
Йирик панелли биноларнинг 1-қаватида ташқи деворларнинг вертикал чоклари албатта ёпиқ чок бўлиши керак ва бошқа қаватларида очиқ ёки дренажли чок қўлланилиши мумкин.
Ташқи девордаги барча бириктирувчи пўлат элементларга коррозияга қарши ишлов берилиши керак.
Йирик панелли уйларнинг ички деворлари бир қаторли қилиб бўлакларга бўлинади, яъни ички девор панелларининг баландлигини бир қаватга мулжаллаб қабул қилинади. Ички девор панелларининг узунлиги 3600 мм дан 6600 мм гача бўлиши мумкин.

9-расм. Ички девор панелларининг турлари:
а- эшиксиз яхлит панель; б –эшикли тўртбурчак панель; в –эшик ўринли Г симонпанель; г –эшик ўринли Т- симон панель
Ички панелларининг турли хил конструктив ечимлари мавжуд. Уларни эшик ўрнисиз - яхлит, зарур ҳолларда эса турли кўринишларда эшик ўрни қўйиб тайёрлаш мумкин (9-расм).
Ички девор панелларининг қалинлиги 12, 14, 16 ва 18 см бўлиши мумкин. Ички деворларнинг асосий вазифаси юк кўтариш ва товуш изоляцияси билон боғлиқ бўлганлиги учун бундай панелларни тайёрлаш учун асосан оғир бетон қўлланилади.