Маъруза 11 Ультрафильтрлаш. Тескари осмос. Газларни чангдан тозалаш усуллари. Скрубберлар ва уларнинг турлари

Т
ескари осмос - бу эритманинг эритувчисини ўтказадиган ва дисперс фаза молекула (ёки ионлар) ларини ушлаб қоладиган ярим ўтказувчан мембраналар ёрдамида босим остида фильтрлаш жараёни. Тескари осмос усули осмос ҳодисасига асосланган, яъни бунда система мувозанат ҳолатига чиқмагунча (р = ), эритувчи ярим ўтказувчан мембрана орқали эритмага ўз - ўзидан ўтадиган жараён (3.61-расм).
Мувозанат ҳолатига ўрнатилиш пайтидаги босимга осмотик босим () дейилади. Агар, эритмага осмотик босимдан кўпроқ босим таъсир эттирилса (p>), масса ўтиш жараёни тескари йўналишда боради (11.1 в -расм). Шунинг учун ҳам, жараён номи "тескари осмос" деб номланган. Мембрана орқали ўтган эритувчи фильтрат деб аталади.
Ультра- ва микрофильтрлаш. Ультрафильтрлаш - бу юқори ва паст молекулали бирикмали эритмаларни ажратиш жараёни, ҳамда юқори молекулали бирикмаларни қуюқлаштириш ва фракциялашдир. Ушбу жараён босимлар фарқи ёрдамида амалга оширилади.
Ультрафильтрлаш жараёни эриган компонент молекуляр массаси эритувчи молекуляр массасидан анча катта бўлган системаларни ажратиш учун қўлланилади.
Юқори молекулали бирикмалар осмотик босими жуда кичик бўлгани учун ультрафильтрлаш жараёнининг ҳаракатга келтирувчи кучини ҳисоблашда инобатга олмаса бўлади. Шунинг учун ҳам, ультрафильтрлаш жараёни нисбатан паст босимлар (0,2...1,0 МПа) да олиб борилади.
Агар, мембранали жараён эритма таркибидаги йирик коллоид заррачалар (0,1...10 мкм)ни ажратиш учун ишлатилса, унда у микрофильтрлаш деб аталади. Бу жараённинг ҳам ҳаракатга келтирувчи кучи - босимлар фарқи.
Микрофильтрлаш жараёни ўта паст босимларда ўтказилади (0,01...0,5 МПа). Ушбу жараён ультрафильтрлаш ва оддий фильтрлаш жараёнлари ўртасидаги оралиқ ҳолатни эгаллайди. Микрофильтрлаш электроника, медицина, кимё, микробиология, озиқ - овқат ва бошқа саноатларда кенг қўлланилмоқда. Тескари осмос, нано- ва ультрафильтрлаш жараёнларида эритмаларни ажратишдан аввал микрофильтрлаш жараёнини амалга ошириш юқори самара беради.