Ma’ruza – To‘plami (I-II kurslar uchun) Bilim sohasi

Fanning qisqa mazmuni (summary). “Falsafa” fani barcha zamonlarda va mamlakatlarda hamma universitetlar va boshqa oliy o‘quv yurtlarida o‘rganish uchun majburiy sanalgan fundamental fanlardan biri bo‘lgan va shunday bo‘lib qolmoqda.
Mazkur fanni mohiyatini o‘rganishimiz jarayonida, uning o‘ziga xos xususiyatlarini aniqlashimiz va falsafa inson o‘z-o‘zini va o‘zini qurshagan dunyoni anglab yetishida qanday rol o‘ynashini tushuna boshlaymiz. Zero, birinchi Prezident Islom Karimov ta’kidlaganidek: “O‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviy bog‘liqlik til orqali namoyon bo‘ladi”.¹ “Bir so‘z bilan aytganda, yoshlarimizni falsafiy tafakkur bilan qurollantirish” - davr talabi. Nega deganda, bugungi zamonda har qanday raqib va muxolif bilan bahsga kirishish uchun uning qarashlari va g‘oyasi, falsafasini ko‘proq bilishimiz, kerak bo‘lsa, uning o‘zidan ham puxtaroq egallashimiz lozim”².
Fanining maqsadi va vazifalari. Yoshlarni zamonaviy fan yutuqlariga asoslangan falsafiy bilimlar bilan qurollantirish hamda ularda o’z-o’zini anglash va to’g’ri fikrlash mahorati, kunikma va malakalarini shakllantirishdan iborat. Talabalar tabiat, jamiyat va inson tafakkurining rivojlanishiga oid falsafiy bilimlar, qonunlar va kategoriyalar mazmun-moxiyatini bilish, ularga nisbatan shaxsiy munosabatni shakllantirish orqali insonning hayotdagi o’rni va ahamiyatini ochib berishdan iborat.
Fanning vazifasi:

• 
  falsafiy bilimlar, qonunlar va kategoriyalarni o’rganish orqali tizimli, kreativ fikrlash, hayotda o’z o’rnini topish;
  
• 
  jamiyat hayotidagi ijtimoiy jarayonlarga falsafiy tafakkur nuqtai nazaridan yondashish, voqealarga shaxsiy, ijodiy tanqidiy baho berish;
  
• 
  o’z-o’zini ma’naviy axloqiy, diniy tarbiyalash;
  
• 
  jamiyatni demokratlashtirish va modernizatsiyalash jarayonida faol ishtirok etish hissini tarbiyalash.
  

Fanning vazifasiga talabalarni yuqorida ko‘rsatilgan ijtimoiy-falsafiy faoliyat bo‘yicha amaliy ko‘nikmalariga ega bo‘lishi kerak.