Маъруза № [Маърузачи: Палванов Н. С.] Мавзу: комплекс бирикмалар. Мавзунинг мақсади

Ионланиш изомерияси.
Таркиби бир хил бўлиб, ионларни ташқи ва ички сферасида жойлашиши билан фарқ қиладиган комплекслар ионланиш изомериялари деб аталади. Масалан, [Pb(NH₃)₄Cl₂]Cl₂, [Pb(NH₃)₄Cl₃]Cl улар ўзаро ионланиш изомерларидир. Биринчи комплекснинг сувли эритмасига кумуш нитрат қўшилса, чўкма хосил бўлади. Иккинчи комплексни сувли эритмасига кумуш нитрат қўшилса чўкма хосил бўлмайди.


КОМПЛЕКС БИРИКМАЛАРДАГИ КИМЁВИЙ БОҒ ТАБИАТИ
Комплекс бирикмаларда кимёвий боғ табиатини тушунтирувчи бир қанча назариялар мавжуд. Биз улардан энг муҳими бўлган валент боғлар назариясига тўхтаб ўтамиз. Бу назарияда Пелингнинг атом орбиталларининг гибридланиши концепцияси катта аҳамиятга эга. Бу назария комплекс бирикмалар тузилишини тушиниш имкониятини беради. М: [Ag(NH₃)₂]⁺ ионида кумуш Ag⁺ 4s²4p⁶4d¹⁰ электрон тузилишига эга бўлиб sp –гибридланиш ( 5s ва 5 p) холатида бўлиб, ўзининг шу бўш орбиталларига аммиак молекуласидаги азотнинг бўлинмаган жуфт электронларини тортади ва натижада улар орасида донор – акцептор боғ ҳосил бўлади. Бу боғ комплекс бирикмаларда координацион боғ дейилади. Шунинг учун комплекс бирикмалар координацион бирикмалар деб ҳам айтилади. Ташқи ва ички сфералар ўртасида эса ионли боғ амалга ошади.

ИЧКИ КОМПЛЕКС БИРИКМАЛАР

Агарда лиганд комплекс хосил қилувчи ион билан икки хил табиатли боғланиш орқали бирикса, ички комплекс бирикма хосил бўлади. Бунга мисол қилиб, аминосирка кислота билан мис иони ўртасидаги реакцияни кўришимиз мумкин

2H₂N-CH₂-COOH + Cu Cl₂ → 2HCl +

O = C - O NH₂ - C H₂
Сu CH₂ - NH₂ O- C = 0
Хосил бўлган бирикмада Сu²⁺ аминогруппаси азот билан донор-акцептор боғ орқали бириккаy бўлса, кислород билан эса ионли боғ орқали бириккан.
Хлорофилл, гемоглобинлар ҳудди шундай ички комплекс бирикмалардир. Уларни ҳосил қилувчи лигандлар комплексонлар дейилади. Оддий комплексон (комплексон-I) аминополикарбон кислота ҳосиласидир:


CH₂COOH
N CH₂COOH
CH₂COOH

Комплексон II – этилендиаминтетрасирка кислота

HOOC – CH₂ CH₂COOH
N – CH₂ - CH₂ - N
HOOC – CH₂ CH₂COOH

Бу модда одатда 2 та Na алмашинган туз ҳолида ишлатилади ва комплексон III ёки трилон Б дейилади. Трилон Б тиббиётда баъзи бир металл ионларини организмдан чиқариб юборишда кенг қўлланади. У ҳатто бошқа лигандлар билан комплекс ҳосил қилмайдиган Са²⁺ , Mg²⁺, Ba²⁺ ионларини ҳам мустаҳкам комплексга боғлайди. Трилон Б буйракдаги тошни эритишда, организмдаги заҳарли оғир металларни (Pb, плутоний) ни чиқариб юбориш ҳоссасига эга.