Marketingni maqsadi, vazifalari, turlari va faoliyat sohalari

  O’zbekiston Respublikasida zamonaviy raqobat muhitining shakllanishi va rivojlanish holati

• O’zbekistonda raqobatdoshlikni ta’minlash borasidagi ustuvor yo’nalish avvalo infratuzilmani rivojlantirishga qaratilgan bo’lib, unda temir yo’l tizimining rivojlangani asosiy o’rin tutsa (har ming kvadrat kilometrga o’rtacha 9,5 kilometrtemir yo’l tarmog’i to’g’ri keladi bu borada namuna bo’ladigan davlatlarda bu raqam ming kvadrat kilometrga 9,3 kilometrni tashkil etadi), mamlakatimizning yana bir ustun jihati aholi savodxonligi bo’yicha jahonda etakchi o’rinda turishidir. “Global Innovation Index and Report 2008-2009” ma’lumotiga ko’ra aholini ta’lim bilan qamrab olish bo’yicha O’zbekiston 26- o’rinda bo’lib, Xitoy, Chexiya, Ispaniya, Ukraina, va Turkiyadan oldingi o’rinni egallaydi. Iqtisodiyot raqobatdoshligining barcha bo’g’inlari (makrodarajada) bir-biri bilan bog’liq. Ulardan birining rivojlanmasligi boshqalariga salbiy ta’sir ko’rsatadi. Sog’lom raqobat sharoitining yo’qligi va rivojlanmagan tovarlar bozori innovatsion mahsulotga bo’lgan barqaror talabni va ishlab chiqarilayotgan mahsulot sifatini oshirishni rag’batlantirmaydi hamda milliy innovatsion tizim va infratuzilmalarni, ilmiy-texnik ishlanmalar tijoratlashuvining rivojlanmagani ularni pirovard istemolchiga yetib borishi uchun imkon bermaydi.

Qayta ishlash tarmoqlarida birinchi kategoriyali kuchli raqobatdosh guruhiga sanoatning quyidagi xomashyo va qazib chiqarish sektorlari kiradi: neft-gaz, rangli metallurgiya, paxtani qayta ishlash sanoati. Ushbu tarmoqlar hissasiga mamlakat sanoat eksportining 70 foizdan ortig’i to’g’ri keladi. Tashqi bozorda tarmoqning raqobatdoshligini aks ettiradigan ko’rsatkich hisoblangan umumiy sanoat ishlab chiqarish hajmida eksport mahsulotlari ulushi o’sish tendentsiyasiga ega: rangli metallurgiyada 72 dan 85 foizga, qora metallurgiyada 28,2 dan 55 foizga, neft-gaz sohasida 20,1 dan 47 foizga, paxta tozalashda 87 foizdan 90 foizga o’sgan. Ushbu tarmoqlarning raqobatdoshlik indikatori boshqa ishlab chiqarish turlariga nisbatan ancha yuqori hisoblanadi.