Marketing tadqiqotlari

ETOM makromuhit xatarlari va imkoniyatlari tahlili uslubiyoti

Makromuhit omillari ta’sirini tahlil qilish uchun shuningdek YeTOM-tahlildan foydalanish mumkin. “YeTOM” atamasi – Environmental Threats and Opportunities Matrix – tashqi muhit xavf-xatarlari va imkoniyatlari matritsasining qisqartmasidir. Mazkur tahlilning afzalligi ekspertlar tomonidan ajratiladigan omillar va hodislarning cheklangan sonini (odatda 15) kiritishdan iborat.

YeTOM-tahlil uslubiyotini amalga oshirish bosqichlari:

1. 
   Tahlil ob’ektini aniqlash: korxona, alohida bo‘linmalar (filiallar) yoki biznes- birliklar.
   
2. 
   Tanlash mezonlarini aniqlash va ekspertlarni tanlab olish (tahlil ekspert baholari yoki Delfi usulida o‘tkaziladi). Zaruriyatga qarab, turli ekspertlar uchun reyting koeffitsiyentlarini o‘rnatish.
   
3. 
   Ekspertlar tomonidan omillar tahlili natijalarini kiritish uchun shaklni ishlab chiqish va yakuniy shaklni ishlab chiqish. Zaruriyatga qarab tahlil shaklini testdan o‘tkazish. Jadval shakli 7.3-jadvalda berilgan ko‘rinishga ega. Ayrim hollarda makromuhit omillarining standart ro‘yxatlaridan foydalanish taklif etiladi va ekspertlar ulardan eng muhimlarini tanlab oladi. Omillar to‘plamini o‘z navbatida tahlilning dastlabki bosqichida shu ekspertlarning o‘zi ajratib olishi mumkin.