Marketing tadqiqotlari

Tezkor marketing tahlili – qisqa muddatli taktik maqsadlarni ko‘zlaydigan, joriy bozor vaziyatini baholash va bashorat qilishdir.

Tahlilning boshqa bir turi – strategik (fundamental) tahlil o‘z oldiga bozor proporsiyalari va o‘zaro aloqalari, asosiy qonuniyatlar va tendensiyalarni aniqlash va modellashtirishni maqsad qilib qo‘yadi. U asosan statistik va iqtisodiy hisob-kitob va modellardan foydalanish natijasida olinadigan aniq miqoriy baholarga tayanadi.

Strategik marketing tahlili – bozor rivojlanishining uzoq muddatli tendensiyalarini aniqlash va tavsiflash, yuzaga kelgan o‘zaro aloqalar va qonuniyatlarni topishdir.

Strategik tahlil darajasida asosiy qonuniyatlar va murakkab o‘zaro aloqalarni aniqlash hamda istiqbolli bashoratlar tuzish uchun yetarli darajada uzoq muddatni qamrab oladigan nisbatan chuqurroq bozor tadqiqotlarini ko‘zda tutadi. Strategik rejada marketing tadqiqoti innovatsion siyosat talablariga, bozor rivojlanishining eng istiqbolli tendensiyalarini aniqlash va samarali bozor faoliyatini ta’minlash jarayoniga mos kelishi lozim. Marketing tahlili raqobat xavfini baholash, raqobatchilarning kuchli va kuchsiz tomonlarini topish, raqobat strategiyasini oldindan ko‘ra bilishga imkon beradi.