Марказий Европа халқлари

Анъанавий таомлар

• Анъанавий таомлар Европанинг турли қисмларида сезиларли даражада фарқланади.
• Жанубий Европада буғдой нони ейишса, шимолда буғдой билан бир қаторда жавдар унидан нон ҳам тарқалган. Шимолда таомга мол ёғи ишлатилса, жанубда ўсимлик ёғидан фойдаланилади. Ичимликлардан Буюк Британия, Ирландия, шунингдек Нидерландияда чойни маъқул кўришса, бошқа мамлакатларда – кофе, хусусан Марказий Европада уни сут ёки суюқ қаймоқ билан ичишса Жанубий Европада қора кофени ёқтиришади. Жанубий мамлакатлар эрталаб нонуштада таомни жуда кам истеъмол қилишса, шимолий мамлакатларда аксинча – нонуштани бақувват бўлишини ёқтиришади. Жанубда табиий кўпроқ меваларни истеъмол қилишади. Соҳил бўйи ҳудудларида балиқ ва денгиз маҳсулотлари аҳоли таомларида катта ўрин эгаллайди.

Таомлари

• Немислар учун турли колбасалар, сосиска ва сарделкалар истеъмол қилиш хусусиятли. Кенг тарқалган таомлардан бири тузланган карамни димлаб сосиска билан ейишдир. Немислар тўнғиз гўштидан ва қушлар гўштидан турли таомлар қилишади. Сабзавотларни одатда қайнатиб тайёрлашади. Рангли карам, оддий карам, ловия, сабзи кенг истеъмол қилинадиган сабзавотлардир. Немислар тухумдан ҳам кўплаб таомлар тайёрлашади. Нонуштага ҳар хил бутербродлар қилинади. Анъанавий ичимликлари – пиво.

Анъанавий кийимлари

• Европа халқларининг замонавий кийимларида миллий ўзига хосликлар кам сақланган.
• Ўтмишда европалик эркакларнинг энг кенг тарқалган элементи тиззадан сал пастга тушиб турадиган иштон эди. Уни калта пайпоқ ёки гетра билан кийишган. Эркаклар енги узун ва кенг кўйлак, унинг устидан жилет ёки куртка кийганлар. Французлар, испанлар ва бошқа роман тилли халқлар эркаклари бўйниларига рангли рўмол боғлашган. Бош кийими фетр ёки кигиздан шляпа бўлган. Баскларни анъанавий бош кийимлари мовутдан беретни кейинчалик бошқа Европа халқлари ҳам ўзлаштирадилар. Жумладан, у французларнинг энг донгдор бош кийимига айланади.

Аёллар кийимлари

• Турли халқлар аёллар кийимлари ҳам хилма-хиллиги билан ажралиб турган. Кўпчилик роман халқлари хотин-қизлари кўйлаклари узун, кенг, жиякли бўлиши билан фарқланган. Немис аёллари калта кенг юбкалар кийишган. Баъзида турли узунликдаги бир неча юбкани кийишган.