27. Шахсий таркибни ўқитиш ва тузилмаларни тайёргарликдан ўтказиш Қонун хужжатлари доирасида амалга оширилади:
тузилма сардори – вилоят фавқулодда вазиятлар бошқармаси Аҳолини ва раҳбарлар таркибини тайёрлаш марказида дастур асосида ўтказладиган ўқув курсларида, фуқаро муҳофазаси машқларини ўтказиш даврида;
тузилма шахсий таркиби – ташклотларда, тайёрлаш режалари доирасида тегишли дастурлар бўйича, шунингдек муассасадаги фуқаро муҳофазаси машғулот ва машқларида.
28. Фавқулодда вазиятлар ўчоқларида қутқарув ишларига бевосита жалб этиладиган муассаса ФМ тузилмасининг қуйидаги гуруҳ ва звенолари шахсий таркиби қонунчиликка мувофиқ мажбурий тартибда аттестациядан ўтказилади:
разведка-қутқарув звеноси;
ёнғинга қарши звеноси.
9 – боб. Фуқаро муҳофазаси тузилмасининг шайлиги
29. Фуқаро муҳофазаси бошлиғи тузилмани шай холатга келтириш режасини ишлаб чиқиб, туман Фақулодда вазиятлар бўлими билан келишилган ҳолда тасдиқлайди.
Мазкур режада қуйидагилар назарда тутилган:
фавқулодда вазиятлар хавфи юзага келганда ёки содир бўлганда шахсий таркибга хабар бериш ва уни йиғиш тартиби;
шахсий таркибга рўйхат бўйича мулк ва шахсий ҳимоя воситалари тарқатиш муддати ва тартиби;
тузилмани тўлиқ тайёр ҳолатига келтириш муддатлари;
тузилмани йиғиш жойлари ёки қутқарув ишларини олиб бориш жойларига етиб бориш харакатларини тартибга солиш;
тузилмани йиғиш, уларни шай ҳолатга келтириш ва қутқарув ишлари олиб бориладиган жойларига етказишда бошқарувни ташкил этиш ҳамда комендантлик хизматини йўлга қўйиш масалалари;
қидирув – қутқарув ва кечиктириб бўлмайдиган ишларни олиб бориш вақтида техника хавфсизлиги қоидаларига ўргатиш;
моддий – техник таъминоти тартиби.
30. Фуқаро муҳофазаси тузилмасининг шайлигини текшириш вилоят Фуқаро муҳофазаси бошлиғи, Фавқулодда вазиятлар бошқармаси бошлиғи ва унинг ўринбосарлари шахсан ёки уларнинг топшириқларига асосан амалга оширилади:
31. Тузилманинг шайлиги ўқув машғулотларида, фуқаро муҳофазаси ўқув машқларида, мусобақалар, кўрик ва бошқа тадбирларда текширилади.
Тузилманинг шайлигини текширишда қуйидагилар аниқланади:
тузилмани тузиш бўйича ҳисобларнинг асосланганлиги;
тузилманинг шайлиги ва уларнинг фуқаро мухофазаси вазифаларини ҳал этиш қобилияти;
тузилманинг ташкилий тузилмаси, объетларнинг ишлаб чиқариш фаолиятига, бажариладиган вазифалар хажмига ва турига мувофиқлиги;
тузилманинг шахсий ҳимоя воситалари, техникалар, асбоб-анжомлар
ва воситалар ҳамда махсус кийим-кечак билан таъминланганлиги, сақлаш тартиби
ва улардан фойдаланишга шайлиги;
тузилманинг йиғини ва белгиланган жойларга ёки ишларни бажариш муассасаларига етиб бориш вақти.
Муассаса раҳбари-Фуқаро муҳофазаси бошлиғи йиллик режалари асосида, тузилмаларни белгилаган вақтда йиғиш ва шай ҳолатига келтириш бўйича машғулотлар ўтказади.
Назорат текширувларида тузилманинг шайлиги қуйидагича баҳоланади:
“Тайёр”: тузилманинг штати 90 % дан кам бўлмаган қисми жамланган;
тузилма 85 % дан кам бўлмаган ҳолда миқдорда меъёрда белгиланган асбоб-анжомлар ва техникалар билан таъминланган;
тузилманинг фаолиятини ташкилаштириш бўйича 85 % дан кам бўлмаган зарур меъёрий ҳужжатлар талаб даражасида ишлаб чиқилган;
“йиғин” сигнали бўйича 85 % дан кам бўлмаган шахсий таркиб ва техника белгиланган вақтда йиғилган.
Агар, қайд қилинган мезонлардан бири ёки ундан ортиғи кўрсаткичлардан кам бўлиб қолса, баҳо “Чекланган тайёр”гача пасайтирилади.
“Чекланган тайёр”: тузилманинг штати 65% кам бўлмаган қисми жамланган;
тузилманинг 65% дан кам бўлмаган шахсий таркиб ўз хизмат вазифаларини тўлиқ билади;
тузилма 65 % дан кам бўлмаган миқдорда меъёрда белгиланган асбоб-анжомлар ва техникалар билан таъминланган;
тузилманинг фаолиятини ташкилаштириш бўйича 65 % дан кам бўлмаган зарур меъёрий ҳужжатлар талаб даражасида ишлаб чиқилган;
“йиғин” сигнали бўйича 65 % дан кам бўлмаган шахсий таркиб ва техника белгиланган вақтда йиғилган.
Агар, қайд қилинган кўрсаткичлардан иккитаси ёки ундан ортиғи кўрсатилганлар кам бўлиб қолса, баҳо “Тайёр эмас”гача пасайтирилади.
“Тайёр эмас” тузилманинг штати 65% дан кам бўлган ҳолда жамланган;
тузилманинг 65% дан кам бўлган шахсий таркиб ўз хизмат вазифаларини тўлиқ билади;
тузилма 65 % дан кам бўлган миқдорда меъёрда белгиланган асбоб-анжомлар ва техникалар билан таъминланган;
тузилманинг фаолиятини ташкилаштириш бўйича 65 % дан кам бўлган зарур меъёрий ҳужжатлар талаб даражасида ишлаб чиқилган;
“йиғин” сигнали бўйича 65 % дан кам бўлган шахсий таркиб ва техника белгиланган вақтда йиғилган.
