Мард ўғлон” давлат мукофотига номзод Ўзбекистон давлат санъат ва маданият институти “Кино, телевидение ва радио санъати ” факультети “Анимациявий ва мультимедиявий лойиҳалаш” таълим йўналиши 4 курс талабаси Мелиқулов Ниятулло Элбек ўғлига

“Мард ўғлон” давлат мукофотига номзод

Ўзбекистон давлат санъат ва маданият институти “Кино, телевидение ва радио санъати ” факультети “Анимациявий ва мультимедиявий лойиҳалаш” таълим йўналиши 4 курс талабаси Мелиқулов Ниятулло Элбек ўғлига


ТАҚДИМНОМА
Мелиқулов Ниятулло Элбек ўғли 1994 йили Навоий вилояти, Хатирчи туманида туғилган. Миллати ўзбек. Маълумоти – тугалланмаган олий.
Мелиқулов Ниятулло Элбек ўғли 2001 йили Хатирчи туманидаги 24 ўрта мактаби биринчи синфига қабул қилинган. 2010 йили мазкур мактабни аъло даражадаги аттестат билан тугаллаб, шу йили Хатирчи туманидаги Хатирчи уй-жой коммунал хўжалик касб-ҳунар коллежининг “Ахборот тизимлари ва технологиялари” йўналишига ҳужжат топширди. 2013 йили коллежини битириб, 2018 йилда Ўзбекистон давлат санъат ва маданият институтининг Кино, телевидение ва радио санъати факультети, “Санъатда анимациявий ва мультимедиявий лойиҳалаш” таълим йўналишига контракт асосида ўқишга қабул қилинди. Ҳозирда мазкур таълим йўналишининг 4-босқичида таҳсил олади.
Мелиқулов Ниятулло Элбек ўғли адабиёт ва санъатга жуда қизиқади. Шу билан бирга олийгоҳда ўқиш давомида шеърлар ёзиб туради. Истеъдоди ва самимий шеърлари орқали 2019 йили Республика Ёш ижодкорларининг анъанавий Зомин семинарида шеърият йўналишида иштирок этган. Семинар давомида ижодий ишларини халқ шоирлари, устоз ижодкорлар ижобий баҳолашиб, “Биринчи китобим лойиҳаси”га тавсия қилишган. 2021 йилда Ўзбекистон Ёзувчилар уюшмаси томонидан “Биринчи китобим” лойиҳасида “Кўнглимдагилар” номли илк шеърий китоби 5 000 нусхада нашр этилди. Унинг қўлга киритган бу муваффақияти ва нашрдан чиққан китоблари тақдимоти институт ва факультет доирасида кенг нишонланди ҳамда бу орқали муҳтарам юртбошимизнинг китоб ва китобхонлик борасидаги юритаётган оқилона сиёсатларига ўз ҳиссасини қўшибгина қолмай, олийгоҳ талабаларига ижодий ишлари билан ўрнак сифатида хизмат қилди.

Мелиқулов Ниятулло Элбек ўғли 2020 йили Навоий вилояти Ёзувчилар уюшмаси томонидан ўтказилган “Тил бор экан, миллат барҳаёт” мавзусидаги танловида “Мен ўзбекман, ўзбекча сўзланг” шеъри билан иштирок этиб, шеърият йўналишида фахрли биринчи ўрин соҳиби бўлди. Шу йилнинг ўзида Навоий вилояти Ёзувчилар уюшмаси томонидан Ўзбекистин Республикаси давлат байроғи қабул қилинганлигининг 29 йиллигига бағишлаб ўтказилган "Ўзбекистон байроғи – мустақиллик тимсоли" мавзусида ўтказилган шеърлар танловида “Ватан байроғи” номли шеъри билан иштирок этиб, фахрли 3-ўринни қўлга киритди.

Мелиқулов Ниятулло Элбек ўғли 2021 – 2022 ўқув мавсумида ўтказилган “Ватан тараққиётига менинг ҳиссам” Республика танловининг “Адабиёт ва публицистика” йўналиши бўйича 3-ўринни қўлга киритди. Ва шу мавсумнинг ўзида “Йил талабаси – 2021” Республика кўрик танловининг институт босқичида “Йилнинг энг фаол ижодкор талабаси” номинацияси бўйича биринчи ўрин соҳиби бўлди ҳамда Республика босқичида ҳам кучли олтиталик иқтидорли талабалар қаторидан ўрин эгаллади.
Мелиқулов Ниятулло Элбек ўғлининг келажакда юртига астойдил хизмат қилиб, унинг ривожи ва тараққиётига ўз ҳиссасини қўшадиган етук мутахассис бўлиб етишишига ишонаман.


Хатирчи тумани ҳокими С.Низомов