Maqsudov ilhomjon, joraev jomurod yangiboevich, amirov shavkat qo ziboevich

Mineral oziqalar. 
Hayvonlar  iste‟mol  qiladigan  oziqalar  ularning  mineral  moddalarga  bo„lgan 
talabining bir qismini qondiradi. Sho„rlanmagan tuproqlarda o„stirilgan oziqalarda 
natriy  xlorid  tuziga  yetarlicha  bo„lmaydi,  shuning  uchun  barcha  qishloq  xo„jalik 
hayvonlari va parrandalariga muntazam ravishda  osh tuzi berib borish kerak. 
Osh  to‘zi.  Cho„chqa  va  parrandalarga  maydalangan  holda  omixta  yem  bilan 
yediriladi. 
Otlar  va  kovshovchi  hayvonlarning  osh  tuziga  bo„lgan  talabini  omixta  yem 
tarkibidagi tuzdan tashqari ular oxurida doimiy ravishda yalama tuz bo„lishi shart.  
Kovshovchi hayvonlar va otlarga tuz qayta ishlangan somon, pohol va boshqa 
dag„al  xashaklarga  qushib  yedirish  mumkin.  Kovshovchilarning  osh  tuziga  talabi 
ko„plab silos yedirilganda kuchayadi, chunki silos tarkibidagi kislotani neytrallash 
uchun sulak bilan ko„p miqdorda natriy bikorbonat ishlatiladi. Chiqilishi osh tuziga 
sarfini ko„paytiradi. 
Kuniga 18 kg dan ko„p sut beradigan sigirlarga me‟yordagi osh tuzi (1 oziqa 
birligiga  5  g)  yemga  qo„shib  beriladi,  lekin  bu  tuz  uning  talabini  qondirmasligi 
mumkin, shu  bois ular oxurida doim yalama tuz  bo„lishi shart. 
Buzoqlar hayotinining birinchi kunidan boshlab tuz ta‟minlash kerak. 
Hozir    sanoat  tomonidan  osh    tuzi  mikroelementlar  bilan  boyitilib  briketlar 
holida chiqarilmoqda, ulardan foydalanish katta  samara beradi. 
Suv  tarkibida  yod  yetishmagan  osh  tuzi  yodlangan  holda  ,  ya‟ni  1  kg  osh 
tuziga 2 mg yod qo„shib beriladi. 
Bir yilda 1 bosh sigirga – 26 kg, 1 bosh qoramolga-11 kg, qo„y va echkiga – 
3,7 kg, cho„chqaga -11 kg, otga -18 kg tuz sarflanadi.