Maqsad: Ta’limiy

Bola: Kattalarday nishonlashga
Menda ham bor ko`p bayram,
Qornim ochib qolgandachi
OVQATLANISHGA haqqim bor ham.

Bola: Kuchlimisan, kuchsizmisan
Oqmi, qora, qizil tan
BAXTLI BO`LISH huquqi
Barchamizga berilgan.

Bola: Bo`y – bastimdan qoniqmayman,
Hali quvvatim kamroq
Kuchsizlarni XAFA QILMANG
Qonun bizniki o`rtoq.

Bola: Issig`im baland juda,
O`ynamoqqa yo`l qo`ymas
Huquqim bor SHIFOKORNI
Yordamga chaqirsam bas!

Bola: Kichik qo`lchamda kitob,
Ilm mening dil cho`g`im
ONA – TILDA o`qimoq
Mening katta huquqim.

Bola: Uig`ayaman, qo`lda kitob
Yo`l olaman maktabga.
Har bolaning huquqi bor
MAKTAB degan tartibga.
Tarbiyachi: Barakalla, bolajonlar. Atrof tabiiy muhitga nisbatan qanday munosabatda bo`lishimiz kerak ekan? Qani Konstitutsiyamizning nechanchi moddasida bu haqda so`z boradi?
Bola: 50-moddada fuqarolar atrof tabiiy muhitga ehtiyotkorona munosabatda bo`lishga majburdirlar deyilgan.
Bola: 55-moddada yer, yer osti boyliklari, suv, o`simlik va hayvonot dunyosi, hamda boshqa tabiiy zahiralar umummilliy boylikdir, ulardan oqilona foydalanish zarur va ular davlat muhofazasidadir deyilgan.
Tarbiyachi: Siz buni qanday tushunasiz? Ushbu moddalarga rioya etish uchun biz nima qilishimiz kerak?
Bola: Tabiatni asrash va avaylashimiz kerak.
Bola: O`simliklarni parvarishlashimiz kerak.(AKT)
Bola: Hayvon, qushlarni asrash, avaylash, ularni parvarish qilish, och qoldirmasligimiz kerak. (AKT).
Tarbiyachi: Bolajonlar, mana bu “Qizil kitob”ga (AKTda ko`rsatiladi) kiritilgan, muhofaza qilinishga muhtoj bo`lgan hayvonlar, qushlar, sudralib yuruvchilarning rasmi. Hozir 1-guruh qushlarning, 2-guruh hayvonlarning, 3-guruh sudralib yuruvchilarning rasmini yig`ishlari lozim.

O`yin: “Tabiat muhofazachilari”.
(Birinchi bo`lib yiqqan guruhga 3 ta rag`bat, 2-bo`lib yiqqan guruhga 2 ta rag`bat, 3- bo`lib yiqqan guruhga 1 ta rag`bat beriladi. Vazifaning bajarilishini AKT orqali tekshish mumkin).
Tarbiyachi: Bolajonlar, agar siz barcha qoidalarga amal qilsangiz mustaqil Vatanimizga munosib farzand bo`lib etishasiz.
Mashg`ulot so`ngida to`plangan rag`bat o`yinchoqlarni sanash orqali g`olib guruh aniqlanadi va rag`batlantiriladi.