Мақола ва тезислар номи

“жаннат оналар оёғи остида”
, - дейилади муборак Ҳадиси Шарифда. 
Улуғ кишиларимизнинг таржимаи ҳолларига назар ташласак, уларнинг улуғлик 
даражасига кўтарилишларининг сабабчиси ҳам оналари эканлигининг гувоҳи бўламиз. Ибн 
Сино онаси Ситорабонудан, Бобур онаси қутлуғ Нигорхонимдан дастлабки инсонийлик 
сабоғини олишган. 
Қиз бола - гўзаллик ва орасталик тимсоли. Шунинг учун ҳам қиз бола ёшликдан гўзал 
одобга, гўзал муомалага, гўзал ҳатти-ҳаракатларга, гўзал турмушга ўргатиб борилади. Чунки 
қиз боланинг ҳатти-ҳаракати, муомаласи, юриш-туришидан, кўзларидан, юзидан гўзаллик, 
латофат уфуриб туриши керак. Ана шу гўзаллик оила аъзоларининг кўнглини ёритади. Оилада 
гўзал иқлим яратади. Ана шу гўзал иқлим оиладаги фарзандларни гўзалликка ошно қилади, 
уларда гўзал ҳисларни тарбиялайди. Оиладаги гўзаллик, гўзал иқлим ана шундан бошланади. 
Оиладаги гўзаллик жамият гўзаллигига асос бўлади, оиладаги гўзаллик, орасталик уй 
юмушларининг бекаму-кўст, меҳр билан бажарилишини, рўзғор анжомларининг тоза, покиза, 
саранжом тутилиши ва сақланишини талаб қилади. 
Ҳар бир тотув, аҳил оила қиз боладан гўзал дидни, пазандалик, чеварлик, озодаликни 
талаб этади. Кизи бор уйнинг файзи бор дейди, донно халқимиз. Дарҳақиқат, қизи бор уй тоза, 
озода, саранжом-саришта, ҳовлилар шинам, кўчалар сув сепилган, супурилган, кийим-бошлар 
тоза, ораста, муомалада осойишталик, хушмуомалалик - ҳаммаси шу ҳовлида қиз боланинг 

---

121 
борлигидан далолат беради. Ҳар бир ишда қиз боланинг қўли борлиги сезилади, ҳар бир 
буюмда, кўча, ҳовли, уйда қиз боланинг нафаси уфуриб туради. 
Қиз бола, иболи, ҳаёли, латофатли бўлиши керак. Шунинг учун ҳам она унга қандай 
ўтириб, қандай туришни, қайси пайтда қандай гапиришни, ўзини қандай тутишни ўргатади. қиз 
бола бўлажак турмуш ўртоғини ҳурмат қилиши, унинг топиб - тутиб келганини асраб-
авайлаши, ўз ўрнида сарфлаши, солиҳа, оқила уй бекаси, садоқатли аёл ва меҳрибон она 
бўлиши керак. Бунинг учун қиз бола ёшлигидан уй юмушларини бажаришга, маҳсулотларни 
тежаб ишлатишга, ҳурмат қилиш, садоқат ва меҳрибон бўлишга одатлантириб борилади. 
Аёллик шаънини ҳаммма нарсадан юқори қўйишга, аёллик бурчини муқаддас ва шарафли иш 
деб қарашга ўргатилади. Фидойилик - аёллик қисмати эканлиги, унга бўйсуниш кераклиги 
унинг онгига сингдириб борилган [7].