Ma’muriy rejim

2-muammoga to’xtaladigan bo’lsak:
O’zbekiston Respublikasining “Davlat pensiya ta’minoti to’g’risida”gi qonunining 42-moddasiga ko’ra, ish stajini tasdiqlash jarayonida 2005-yil 1-yanvardan avvalgi davrlar uchun ish staji shaxsning mehnat daftarchasidagi (elektron mehnat daftarchasidagi) mavjud yozuvlar asosida, tasdiqlovchi hujjatlar talab etilmasdan belgilanadi. Demak, ushbu asoslovchi hujjatga ko’ra, fuqaro Yunusov Olimjon tomonidan 2000-yildan 2006-yilgacha ishlaganligi to’g’risida mehnat daftarchasiga yozuvlar kiritilganligini asos qilib olingan hujjat qonuniy asosga ega hisoblanadi. Sababi 2005-yil 1-yanvardan oldingi davrda ishlagan fuqarolardan tasdiqlovchi hujjatlar talab qilinmaydi. Bundan kelib chiqadiki, pensiya tayinlash uchun ariza berish mobaynida fuqaro Yunusov ushbu yillar uchun faqatgina mehnat daftarchasidagi yozuvlarni taqdim etishi yetarli bo’ladi.
Shu bilan birga O’zbeksiton Respublikasi Mehnat kodeksining 81-moddasida ham yuqoridagi normani mustahkamlovchi norma o’rin olgan.
81-modda. Mehnat daftarchasi
Mehnat daftarchasi xodimning mehnat stajini tasdiqlovchi asosiy hujjatdir.
3-muommoga to’xtaladigan bo’lsak:
Ushbu jarayonda davlat organi tomonidan “Ma’muriy tartib-taomillar to’g’risida”gi qonunning bir nechta prinsiplariga amal qilinmagan. Bulardan, ishonchlilik, tekshirish prinsiplari hisoblanadi.
8-modda. Ishonchlilik prinsipi
18-modda. Tekshirish prinsipi
Bundan ko’rinib turibdiki, “Davlat pensiya ta’minoti to’g’risida”gi qonun hamda “Ma’muriy tartib-taomillar to’g’risida”gi qonun bilan keltirilgan asoslarga ko’ra fuqaro Yunusovning 14.07.2000-yildan 23.12.2006-yilgacha bo’lgan davr mobaynida ishlaganligi ish stajiga qo’shilishi lozim bo’lgan.
4-muommoga to’xtaladigan bo’lsak:
Agar fuqaroning ushbu yillar mobayniga ishlaganligini haqiqiy holat deb topadigan bo’lsak, “Ma’muriy tartib-taomillar to’g’risida”gi qonunning 24-moddasiga ko’ra manfaatdor shaxslar ma’muriy ish yuritish davomida kelib chiqadigan barcha masalalar bo‘yicha o‘z vajlarini bayon etish, boshqa manfaatdor shaxslarning arizalari, iltimosnomalari va vajlariga qarshi e’tiroz bildirish, ma’muriy va protsessual hujjatlar, shuningdek ma’muriy harakatlar ustidan shikoyat qilish huquqiga ega.
Manfaatdor shaxs ma’muriy shikoyatni qonunchilikka muvofiq ma’muriy shikoyatlarni ko‘rib chiqishga vakolatli bo‘lgan yuqori turuvchi ma’muriy organga yoki boshqa vakolatli ma’muriy organga ustidan shikoyat qilinayotgan ma’muriy hujjatni, protsessual hujjatni qabul qilgan yoxud ma’muriy harakatni amalga oshirgan ma’muriy organ orqali berishi mumkin. Demak, Yunusov Byudjetdan tashqari Pensiya jamg’armasi Samarqand shahar bo’limi ustidan yuqori turuvchi organga ariza bilan shikoyat qilishi asosli hisoblanadi.
Shuningdek, yuqoridagi qonunning 64-moddasiga ko’ra “Agar qonunda boshqacha qoida nazarda tutilmagan bo‘lsa, ma’muriy shikoyat ma’muriy hujjat, protsessual hujjat to‘g‘risida tegishli tarzda xabardor qilingan paytdan yoki manfaatdor shaxsga ma’muriy harakat haqida ma’lum bo‘lgan paytdan e’tiboran o‘ttiz kundan kechiktirmay berilishi mumkin.”
Ya’ni agar Olim Yunusov shikoyatni xabardor qilinganligidan 30 kundan kechiktirmay bergan bo’lsa asosli hisoblanadi,
(1-javob) lekin agar kazusga ko’ra 2018-yil 7-iyulda fuqaro tomonidan 2012-yil 7-iyulda tayinlangan yoshga doir pensiya tayinlanganligi ustidan shikoyat qilgan bo’lsa, shikoyat qilinishi kerak bo’lgan muddat o’tib ketgan. Sababi 2012-yilda pensiya olishni boshlagan bo’lsa demak fuqaro 2000-2006-yillardagi ish staji hisobga olinmaganligi haqida habardor bo’lgan. (Sanalar bo’yicha tushunmovchilik bor)