Ma’muriy rejim

JAVOB
Ushbu kazusimizga yechim topishimiz uchun muammolarni aniqlab olishimiz lozim .
Birinchidan : Sud ish yurituvi amalga oshirilayotganda sudya va javobgar bir -biri bilan qarindosh bo’lsa , sudya rad qilishi kerakmi ?
Ikkinchidan : Manfaatdor shaxs sudyani rad etish bo’yicha ariza kiritishga haqlimi yoki buni sudyani o’zi amalga oshirishi kerakmi?
Birinchidan : Ma’muriy sud ishlarini yuritish to’g’risidagi kodeksning 21-moddasida quyidagi tartib belgilangan.

4. 
   bob. Sudyani va ma’muriy sud ishlarini yuritishning boshqa ishtirokchilarini rad qilishning 21-moddada Sudyani rad qilish tartibi keltirib o’tilgan. Unga ko’ra
   

Sudya quyidagi hollarda ishni ko‘rishda ishtirok etishi mumkin emas va rad qilinishi lozim, agar u:
1) mazkur ish ilgari ko‘rilganda sudya sifatida ishtirok etgan bo‘lsa va ishni ko‘rishda uning takroriy ishtirok etishiga ushbu Kodeks talablariga muvofiq yo‘l qo‘yilmasa;
2) mazkur ish ilgari ko‘rilganda unda prokuror, ekspert, mutaxassis, tarjimon, sud majlisi kotibi, vakil yoki guvoh sifatida ishtirok etgan bo‘lsa;
3) ishda ishtirok etuvchi shaxslarning yoki ular vakillarining qarindoshi bo‘lsa;
4) ishning natijasidan shaxsan, bevosita yoki bilvosita manfaatdor bo‘lsa yoxud uning xolisligiga shubha tug‘diruvchi boshqa holatlar mavjud bo‘lsa;
5) ishni ko‘rayotgan hay’at tarkibidagi sudyaning qarindoshi bo‘lsa.
Ikkinchidan : Ma’muriy sud ish yurituvi to’g’risidagi kodeksning 24- moddasida rad qilishning tartiblari belgilangan
24-modda. Rad qilish to‘g‘risidagi arizani hal etish tartibi
Rad qilish to‘g‘risida arz qilingan taqdirda, sud ishda ishtirok etuvchi shaxslarning fikrini, agar rad qilinishi talab etilayotgan shaxs tushuntirish berishni xohlasa, uning ham fikrini eshitadi.
Ishni yakka tartibda ko‘rayotgan sudyani rad qilish to‘g‘risidagi masala sud raisi tomonidan hal qilinadi.
Ish hay’at tarkibida ko‘rilayotganda sudyani rad qilish to‘g‘risidagi masala rad qilinishi talab etilayotgan sudyaning ishtirokisiz sud tarkibining ko‘pchilik ovozi bilan hal qilinadi. Rad qilishni yoqlab va unga qarshi berilgan ovozlar soni teng bo‘lib qolsa, sudya rad qilingan hisoblanadi.