Маъмурий ва жиноят суд ишларини юритиш

Суднинг ҳаракатлари тўғрими?
93.
Д. жиноий уюшма раҳбарига нисбатан жиноят иши қўзғатилади ва 
жиноят иши терговдан судга оширилади. Судда эса прокурор қилиб А исмли 
шахс иштирок этади. Д.нинг озодликдаги ҳамтовоқлари бошлиқларини 
қутқариб олиш мақсадида прокурорга таҳдид қилади. Бу таҳдиддан қўрққан 
прокурор судда айбловдан воз кечади. Аммо воз кечиш сабабини судга баён 
қилмайди. 
Процессуал хатоликни топинг?
94.
Фуқаро Ю. ЖК нинг 118-моддасида назарда тутилган жиноятни 
содир этишда айбланиб, дастлабки тергов ҳаракатлари ўтказилиб иш судга 
юборилади.

---

38 
Судда раислик этувчи Ю.га 6 йилга озодликдан маҳрум қилиш 
тўғрисидаги жазо тайинлайди. Судланувчининг ҳимоячиси ҳукмдан норози 
бўлиб, юқори турувчи судга аппеляция шикояти беради. Лекин маҳкум бу 
шикоятни аппеляция инстанция суди маслаҳатхонага кирмасидан аввал 
қайтариб олади. 
Шикоятнинг қайтариб олиниши аппеляция тартибидаги иш 
юритишнинг тугатилишига асос бўладими ёки иш кўрилаверадими?
95.
1943 йил 15 декабрда туғилган К исмли шахс устидан 2007 йил 15 
январда ўғрилик жинояти содир этгани учун ЖК.нинг 169-моддаси учинчи 
қисм билан жиноят иши қўзғатилади. Иш судда муҳокама қилиниб, фуқаро 
К.ни 7 йилга озодликдан маҳрум этиш тўғрисида суд ҳукми чиқарилади. Иш 
вилоят судида апелляция тартибида кўрилиб, бунда К.га нисбатан 
озодликдан маҳрум этиш билан боғлиқ бўлмаган жазо чораси тайинланади. 
Биринчи инстанцияда ишни кўрган суд қандай хатоликларга йўл қўйган. 
Нега К.га нисбатан озодликдан маҳрум этиш тарзидаги жазо 
чораси қўлланилмади.
96.
ЖКнинг 164-моддасининг иккинчи қисми билан Р., С., Н.лар 
айбланади. Р. 8 йил, С.10 йил озодликдан маҳрум қилинадилар, Н.нинг 
иштироки исботланмади деб топилиб, ЖПКнинг 83-моддаси 3-банди билан 
оқлов ҳукми чиқарилади. 
Ҳукм 10 кун ўтиб, қонуний кучга киргандан кейин Тошкент шаҳар 
прокурори протест келтириб, Р.га жазо кам берилганлиги, Н.га нисбатан 
чиқарилган оқлов ҳукми нотўғри бўлганлигини баён қилади. 
Кассация инстанция суди ишни кўриб чиқиб, прокурорнинг протестини 
тўғри деб топади. Кассация инстанция судининг ажримида суд жазо 
белгилашда Р.нинг жиноят содир бўлишда ташкилотчилик қилганлигини 
эътиборга олмаганлигини эътироф қилган, Н.га нисбатан дастлабки тергов ва 
суд терговида жиноятда айби бор ёки йўқлиги етарлича далиллар билан 
исботланмаганлигини кўрсатади.