Mamlakatimizda ta’lim-tarbiya tizimini yanada takomillashtirish, ilm-fan sohasi rivojini jadallashtirishga oid qo‘shimcha chora-tadbirlar to‘g‘risida” pf loyihasiga takliflar

“Mamlakatimizda ta’lim-tarbiya tizimini yanada takomillashtirish, ilm-fan sohasi rivojini jadallashtirishga oid qo‘shimcha chora-tadbirlar to‘g‘risida” PF loyihasiga takliflar

1. 
   3-sahifadagi 3-bandning v) xatboshisida Milliy o‘quv dasturining “… 2021/2022-o‘quv yilidan boshlab ta’lim jarayoniga bosqichma-bosqich joriy qilinishini ta’minlasin” jumlasidagi “bosqichma-bosqich” so‘zini aniq raqamlar yoki foizlar miqdori bilan almashtirish maqsadga muvofiq. Chunki “bosqichma-bosqich” so‘zi, odatda, ko‘p tushunmochiliklarni keltirib chiqaradi. Tajribadan ma’lumki, mavjud resurslar inobatga olinmasdan barcha jarayonlarga birvarakayiga joriy etishga harakat qilinadi va, oqibatda, samara tushib ketadi.
   
2. 
   4-sahifadagi 4-band 2-xatboshida Respublika ta’lim markazi tomonidan “… darslik va o‘quv-metodik majmualarning maketlari” tayyorlanishi qayd etilgan. Biroq ushbu maketlar qay maqsadga yo‘naltirilishi mavhumligicha qolgan.
   
3. 
   6-bandga “malaka oshirish kurslarining davriyligi 1yil (ishlab chiqarishdan ajralgan holda pedagog xodimlar uchun 28 soat, rahbar xodimlar uchun 36 soat, ishlab chiqarishdan ajralmagan holda 144 soat) etib belgilansin” degan xatboshini qo‘shish maqsadga muvofiq. Chunki axborot almashish va fan va texnologiyalar rivoji tezlashgan davrda har 3-5 yilda malaka oshirish davrida “yangiliklar” eskilikka aylanib qolmoqda. Ya’ni 3-5 yil oldingi “yangilik” bugungi kunga to‘g‘ri kelmay qolyapti.
   
4. 
   7-bandning 4-xatboshisi etib, “malaka oshirish kursini muvaffaqiyatli tamomlagan tinglovchining sertifikati ushbu tinglovchi egallab turgan malaka toifasining mos ravishda keyingi bosqich toifaga o‘tkazilishini anglatadi” degan jumlani kiritish kerak.
   

Taklif muallifi: A.Xo‘jamqulov